anjam-e-wafa bhi dekh liya ab kis liye sar KHam hota hai

anjām-e-vafā bhī dekh liyā ab kis liye sar ḳham hotā hai

nāzuk hai mizāj-e-husn bahut sajde se bhī barham hotā hai

mil-jul ke ba-rañg-e-rañg-e-shīr-o-shakar donoñ ke nikharte haiñ jauhar

dariyāoñ ke sañgam se baḌh kar tahzīb kā sañgam hotā hai

kuchh mā-o-shumā meñ farq nahīñ kuchh shāh-o-gadā meñ bhed nahīñ

ham bāda-kashoñ kī mahfil meñ har jaam ba-kaf jam hotā hai

dīvānoñ ke jubba-o-dāman kā uḌtā hai fazā meñ jo TukḌā

mustaqbil-e-millat ke haq meñ iqbāl kā parcham hotā hai

mansūr jo hotā ahl-e-nazar to da.avā-e-bātil kyuuñ kartā

us kī to zabāñ khultī hī nahīñ jo raaz kā mahram hotā hai

tā-chand 'suhail' afsurda-e-ġham kyā yaad nahīñ tārīḳh-e-haram

īmāñ ke jahāñ paḌte haiñ qadam paidā vahīñ zamzam hotā hai

anjam-e-wafa bhi dekh liya ab kis liye sar KHam hota hai

nazuk hai mizaj-e-husn bahut sajde se bhi barham hota hai

mil-jul ke ba-rang-e-rang-e-shir-o-shakar donon ke nikharte hain jauhar

dariyaon ke sangam se baDh kar tahzib ka sangam hota hai

kuchh ma-o-shuma mein farq nahin kuchh shah-o-gada mein bhed nahin

hum baada-kashon ki mahfil mein har jam ba-kaf jam hota hai

diwanon ke jubba-o-daman ka uDta hai faza mein jo TukDa

mustaqbil-e-millat ke haq mein iqbaal ka parcham hota hai

mansur jo hota ahl-e-nazar to dawa-e-baatil kyun karta

us ki to zaban khulti hi nahin jo raaz ka mahram hota hai

ta-chand 'suhail' afsurda-e-gham kya yaad nahin tariKH-e-haram

iman ke jahan paDte hain qadam paida wahin zamzam hota hai