anjam har ek shai ka ba-juz KHak nahin hai
anjām har ik shai kā ba-juz ḳhaak nahīñ hai
kyā hai jo ye aalam ḳhas-o-ḳhāshāk nahīñ hai
kah do vo satā kar mujhe be-fikr na baiTheñ
mere hī liye gardish-e-aflāk nahīñ hai
āñkhoñ se har ik parda-e-mauhūm haTā de
itnī nigah-e-shauq abhī chālāk nahīñ hai
kar chāk-e-garebāñ se na andāza-e-vahshat
dīvāne abhī dāman-e-dil chaak nahīñ hai
'sīmāb' duā kījiye kyā sabr-o-sukūñ kī
shā.ista-e-taskīñ dil-e-ġhamnāk nahīñ hai
anjam har ek shai ka ba-juz KHak nahin hai
kya hai jo ye aalam KHas-o-KHashak nahin hai
kah do wo sata kar mujhe be-fikr na baiThen
mere hi liye gardish-e-aflak nahin hai
aankhon se har ek parda-e-mauhum haTa de
itni nigah-e-shauq abhi chaalak nahin hai
kar chaak-e-gareban se na andaza-e-wahshat
diwane abhi daman-e-dil chaak nahin hai
'simab' dua kijiye kya sabr-o-sukun ki
shaista-e-taskin dil-e-ghamnak nahin hai
Source:
Intekhab-e-Sukhan(Jild-2) (Pg. 254)
- Author: Hasrat Mohani
-
- Edition: 1983
- Publisher: uttar pradesh urdu academy
- Year of Publication: 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
