anjaane logon ko har su chalta phirta dekh raha hun
anjāne logoñ ko har sū chaltā phirtā dekh rahā huuñ
kaisī bhiiḌ hai phir bhī ḳhud ko tanhā tanhā dekh rahā huuñ
dīvāroñ se rauzan rauzan kyā kyā manzar ubhre haiñ
sūraj ko bhī duur ufuq par jaltā bujhtā dekh rahā huuñ
jis ko apnā ruup diyā aur jis ke har dam ḳhvāb bune
kab se maiñ us aane vaale kal kā rastā dekh rahā huuñ
sub.hoñ kī peshānī par ye kaisī siyāhī phailī hai
apnī anā ko har lamhe suulī par chaḌhtā dekh rahā huuñ
ā.īne meñ kyā dekhūñ jab har chehra ā.īna hai
us kā chehra dekh rahā huuñ apnā chehra dekh rahā huuñ
anjaane logon ko har su chalta phirta dekh raha hun
kaisi bhiD hai phir bhi KHud ko tanha tanha dekh raha hun
diwaron se rauzan rauzan kya kya manzar ubhre hain
suraj ko bhi dur ufuq par jalta bujhta dekh raha hun
jis ko apna rup diya aur jis ke har dam KHwab bune
kab se main us aane wale kal ka rasta dekh raha hun
subhon ki peshani par ye kaisi siyahi phaili hai
apni ana ko har lamhe suli par chaDhta dekh raha hun
aaine mein kya dekhun jab har chehra aaina hai
us ka chehra dekh raha hun apna chehra dekh raha hun
- Book : Pakistani Adab (Pg. 316)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
