aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dekha jo marg to marna ziyan na tha

Anwar Dehlvi

dekha jo marg to marna ziyan na tha

Anwar Dehlvi

MORE BYAnwar Dehlvi

    dekhā jo marg to marnā ziyāñ na thā

    faanī ke badle mulk-e-baqā kuchh garāñ na thā

    shab ko baġhal meñ thā bhī to vo dilsitāñ na thā

    shoḳhī ye kah rahī thī ki yaañ thā vahāñ na thā

    be-vaj.h muñh chhupāne se jo thā nihāñ na thā

    par ḳhair thī kuchh is meñ ki maiñ bad-gumān na thā

    ye to nahīñ ki ab ke vo mutlaq vahāñ na thā

    lekin savāl-e-vasl ye kahne ko haañ na thā

    vo but kahūñ zamīñ pe jo bala-garāñ na thā

    ham-sañg lekin us magar āsmāñ na thā

    hasrat ke sadqe aañkh ke malte khul gayā

    vo kuchh ki mumkināt se jis bayāñ na thā

    naala jo apnā pāya-e-tāsīr se girā

    itnā subuk huā ki maiñ itnā garāñ na thā

    the bazm meñ vo ġhuncha-e-afsurda sharm se

    kyūñkar kahūñ bahār meñ rañg-e-ḳhizāñ na thā

    kaisī hayā kahāñ vafā pās-e-ḳhalq kyā

    haañ ye sahī ki aap ko aanā yahāñ na thā

    sab kaam apnī ek nigah par haiñ munhasir

    goyā mire liye to banā āsmāñ na thā

    kyuuñ mujh pe tez nigah-e-qahr chhurī

    maiñ daur-e-charḳh meñ koī sañg-e-fasāñ na thā

    kuchh apne dil ke valvale kuchh zāhidoñ zid

    sar phoḌne ko varna vahī āstāñ na thā

    ā.īna ko vo dekhte haiñ un shakl ham

    thā ham ko vo gumāñ ki unhīñ vo gumāñ na thā

    inkār mahz mahz ġhalat mezbāñ sahī

    maanā ki bazm-e-ġhair meñ mehmāñ na thā

    dushman harīf-e-rāh-e-vafā hai ḳhudā shaañ

    vahāñ jis pe thā yaqīn mujhe us gumāñ na thā

    hairān huuñ hijāb-e-judā.ī uThā na kyuuñ

    vo nāznīñ the maiñ to koī nā-tavāñ na thā

    ab āsmāñ ban ke mirā mudda.ī banā

    thī lab pe kuchh fuġhāñ to falak nishāñ na thā

    Tapkā zamīñ pe gar falak-e-pīr ko to kyā

    phir ye kaheñge sab ki vo kuchh naujavāñ na thā

    kuchh jazb dil meñ jaan ke samjhe the un ko paas

    ek vahm se yaqīn pe kyā kuchh gumāñ na thā

    gardūñ se aaj hai falak-e-zulm phaT paḌā

    siina meñ aaj dam-e-ātish-fishāñ na thā

    husn-e-jahāñ-faroz se jis na the vo but

    maiñ be-nishāniyoñ se jahāñ thā vahāñ na thā

    yuuñ ḳhāmushī se ḳhush ki vo tasvīr the magar

    yuuñ baat se ba-tañg ki guyyañ vahāñ na thā

    bhārī hue yahāñ to subuk hogī zindagī

    vahāñ to nazar se ham ko girānā garāñ na thā

    the be-ḳhudī meñ paas vo hosh aa.ī to ga.e

    chūke ġhazab hosh meñ aanā yahāñ na thā

    aanā ye un sub.h ko merī ajal ke saath

    ya.anī ki nāla-e-shab-e-ġham rā.egāñ na thā

    thā kuchh shikast-e-dil se mirā imtihān-e-sabr

    vahāñ apnī nāzukī faqat imtihāñ na thā

    be-mehr yuuñ na ho ki ye ḳhush ho ke maiñ kahūñ

    shāyad ki raqīb pe bhī mehrbāñ na thā

    maiñ aur roz-e-vasl-e-adū aur shab-e-firāq

    yahāñ āsmāñ na thā ki vahāñ āsmāñ na thā

    farhād kohkan thā ye ik halkī baat hai

    āshiq thā be-sutūñ uThānā garāñ na thā

    shab mujh se aañkh maltī rahī dil raqīb se

    yahāñ yuuñ sitam rahā ki kisī par ayaañ na thā

    thā dostoñ yaar tarīq aur diloñ se duur

    kyā thā jo maiñ ġhubār-e-pas-e-kārvāñ na thā

    hairān huuñ ki dam meñ tire kyūñki aa gayā

    maiñ varna apne dil meñ kahāñ se kahāñ na thā

    martā huuñ ki kyuuñ na rahā dil meñ tīr-e-yār

    ārām-jāñ thā koī āzār-jāñ na thā

    dekhā na aañkh uThā ke mujhe nāzukī se jhuuT

    aisā to kuchh nigāh uThānā garāñ na thā

    ḳhālī dar un paayā to dil vahm se rukā

    thā pāsbāñ meñ aap jo vahāñ pāsbāñ na thā

    kis be-dilī se hijr meñ ham ne zindagī

    dil thā kahāñ ki yahāñ vo but-e-dilsitāñ na thā

    miT jaanā apnā us rahā sab ke dil pe naqsh

    ek ye bhī thā nishāñ ki mirā kuchh nishāñ na thā

    kuchh vahm sadd-e-rāh-e-sitam thā ki vaqt-e-zab.h

    mere gulū pe ḳhanjar-e-qātil ravāñ na thā

    'anvar' ne badle jaan ke jins-e-dard-e-dil

    aur is pe naaz ye ki ye saudā garāñ na thā

    dekha jo marg to marna ziyan na tha

    fani ke badle mulk-e-baqa kuchh garan na tha

    shab ko baghal mein tha bhi to wo dilsitan na tha

    shoKHi ye kah rahi thi ki yan tha wahan na tha

    be-wajh munh chhupane se jo tha nihan na tha

    par KHair thi kuchh is mein ki main bad-guman na tha

    ye to nahin ki ab ke wo mutlaq wahan na tha

    lekin sawal-e-wasl ye kahne ko han na tha

    wo but hi kahun zamin pe jo bala-garan na tha

    ham-sang lekin us ka magar aasman na tha

    hasrat ke sadqe aankh ke malte hi khul gaya

    wo kuchh ki mumkinat se jis ka bayan na tha

    nala jo apna paya-e-tasir se gira

    itna subuk hua ki main itna garan na tha

    the bazm mein wo ghuncha-e-afsurda sharm se

    kyunkar kahun bahaar mein rang-e-KHizan na tha

    kaisi haya kahan ki wafa pas-e-KHalq kya

    han ye sahi ki aap ko aana yahan na tha

    sab kaam apni ek nigah par hain munhasir

    goya mere liye to bana aasman na tha

    kyun mujh pe tez ki nigah-e-qahr ki chhuri

    main daur-e-charKH mein koi sang-e-fasan na tha

    kuchh apne dil ke walwale kuchh zahidon ki zid

    sar phoDne ko warna wahi aastan na tha

    aaina ko wo dekhte hain un ki shakl hum

    tha hum ko wo guman ki unhin wo guman na tha

    inkar mahz mahz ghalat mezban sahi

    mana ki bazm-e-ghair mein tu mehman na tha

    dushman harif-e-rah-e-wafa hai KHuda ki shan

    wahan jis pe tha yaqin mujhe us ka guman na tha

    hairan hun hijab-e-judai uTha na kyun

    wo naznin the main to koi na-tawan na tha

    ab aasman ban ke mera muddai bana

    thi lab pe kuchh fughan to falak ka nishan na tha

    Tapka zamin pe gar falak-e-pir ko to kya

    phir ye kahenge sab ki wo kuchh naujawan na tha

    kuchh jazb dil mein jaan ke samjhe the un ko pas

    ek wahm se yaqin pe kya kuchh guman na tha

    gardun se aaj hai falak-e-zulm phaT paDa

    sina mein aaj hi dam-e-atish-fishan na tha

    husn-e-jahan-faroz se jis ja na the wo but

    main be-nishaniyon se jahan tha wahan na tha

    yun KHamushi se KHush ki wo taswir the magar

    yun baat se ba-tang ki guyyan wahan na tha

    bhaari hue yahan to subuk hogi zindagi

    wahan to nazar se hum ko girana garan na tha

    the be-KHudi mein pas wo hosh aai to gae

    chuke ghazab hi hosh mein aana yahan na tha

    aana ye un ka subh ko meri ajal ke sath

    yani ki nala-e-shab-e-gham raegan na tha

    tha kuchh shikast-e-dil se mera imtihan-e-sabr

    wahan apni nazuki ka faqat imtihan na tha

    be-mehr yun na ho ki ye KHush ho ke main kahun

    shayad ki tu raqib pe bhi mehrban na tha

    main aur roz-e-wasl-e-adu aur shab-e-firaq

    yahan aasman na tha ki wahan aasman na tha

    farhad kohkan tha ye ek halki baat hai

    aashiq tha be-sutun ka uThana garan na tha

    shab mujh se aankh malti rahi dil raqib se

    yahan yun sitam raha ki kisi par ayan na tha

    tha doston ka yar tariq aur dilon se dur

    kya tha jo main ghubar-e-pas-e-karwan na tha

    hairan hun ki dam mein tere kyunki aa gaya

    main warna apne dil mein kahan se kahan na tha

    marta hun ki kyun na raha dil mein tir-e-yar

    aaram-jaan tha koi aazar-jaan na tha

    dekha na aankh uTha ke mujhe nazuki se jhuT

    aisa to kuchh nigah ka uThana garan na tha

    KHali dar un ka paya to dil wahm se ruka

    tha pasban mein aap jo wahan pasban na tha

    kis be-dili se hijr mein ki hum ne zindagi

    dil tha kahan ki yahan wo but-e-dilsitan na tha

    miT jaana apna us ka raha sab ke dil pe naqsh

    ek ye bhi tha nishan ki mera kuchh nishan na tha

    kuchh wahm sadd-e-rah-e-sitam tha ki waqt-e-zabh

    mere gulu pe KHanjar-e-qatil rawan na tha

    'anwar' ne badle jaan ke li jins-e-dard-e-dil

    aur is pe naz ye ki ye sauda garan na tha

    Source:

    Deewan-e-Anwar Nazm-e-Dilfroz (Pg. e-21 p-20)

    • Author: Anwar Dehlvi
      • Edition: 1899
      • Publisher: Mumtaz Ali
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now