ho raha hai TukDe TukDe dil mere gham-KHwar ka

Anwar Dehlvi

ho raha hai TukDe TukDe dil mere gham-KHwar ka

Anwar Dehlvi

MORE BYAnwar Dehlvi

    ho rahā hai TukḌe TukḌe dil mere ġham-ḳhvār

    hai mire zaḳhm-e-jigar meñ kaaT teġh-e-yār

    shor hai ġhul hai jahāñ meñ murdan-e-dushvār

    ek chaltā vaar hai teġh-e-nigāh-e-yār

    naġhma dilkash hai dushman andalīb-e-zār

    hai qafas meñ band honā kholnā minqār

    mast kuchh aisā huuñ chashm-e-nīm-e-mast-e-yār

    zarf ḳhālī jāntā huuñ sāġhar-e-sarshār

    kyā kahūñ kyā haal hai mujh nā-tavān-o-zār

    huuñ nigāh-e-vāpsīñ apnī dil-e-bīmār

    āsmāñ phirtā hai hasb-e-mudd.ā-e-mudda.ī

    raah par laanā ġhazab hai aise kaj-raftār

    bal be-bad-ḳhūī mizāj-e-yār meñ sau bal paḌe

    ek bal niklā jo tār-e-gesū-e-ḳham-dār

    dast-e-sāqī par lagā.e aañkh rahtā hai mudām

    jām-e-mai hai dīda-e-hasrat kisī mai-ḳhvār

    kis qadar bashshāsh hai asrār se ḳhālī nahīñ

    rañg merā uḌ gayā muñh dekh kar sofār

    maiñ giraftār-e-vafā huuñ chhuT ke jā.ūñgā kahāñ

    baal bāñdhā chor huuñ har tār-e-zulf-e-yār

    koī ik gardish to ho aisī bhī haañ ai chashm-e-yār

    shaiḳh pūchhe mujh se rasta ḳhāna-e-ḳhummar

    vaah re qismat ki vo mere muqaddar meñ paḌā

    aah ne jo bal nikālā charḳh-e-kaj-raftār

    le chalo vaa.iz ko hāthoñ-hāth uThā.e mai-kasho

    pāsbāñ chal kar banā do ḳhāna-e-ḳhummar

    jaan sunñe vāloñ vaa.iz laboñ par aa ga.ī

    vaah kyā kahnā hai hazrat aap guftār

    hai jo uftādoñ se kuchh nafrat to nafrat sahī

    kyuuñ zamīñ par gir paḌā saaya terī dīvār

    shakl-e-marham dekh kar Dartā hai merā zaḳhm-e-dil

    khol kar aañkh apnī dekhā hai jo muñh sofār

    naala mere lab pe aatā hai jo sau sau naaz se

    koī partav le uḌā shāyad tirī raftār

    ye to zāhir hai ki vasl un kahāñ aur ham kahāñ

    lekin is paiġhām meñ kuchh lutf hai takrār

    dil ko le mujh se to aap le baañT de

    par ye hissa hai terī gesū ke ik ik taar

    al-amān us burrish-e-teġh-e-nazar se al-amān

    māntī hai barq bhī lohā terī talvār

    haath sambhlā rakhiyo ai mashshāta-e-jādū-tarāz

    ik jahān-e-dil hai basta turra-e-tarrār

    huuñ to dīvāna vale hushyārī-e-matlab to dekh

    sar bhī phoḌā DhūñD kar patthar tirī dīvār

    kuchh idhar se arz matlab aur udhar se kuchh nahīñ

    ik judāgāna mazā hai vasl meñ takrār

    kitnā gustāḳhī se khīñchā hai tujhe āġhosh meñ

    maiñ gale haar huuñ tere gale ke haar

    kyuuñ nahīñ girtā mire āfat-zadoñ par haa.e haa.e

    āsmāñ bhī hai magar saaya tirī dīvār

    chhū ga.ī kāfir havā kis nigāh-e-garm se

    phuul kumlāyā huā hai kuchh gul-e-ruḳhsār

    miltī hai āḳhīr ko kuchh kaifiyat-e-soz-o-gudāz

    sā.iqa hissa hai pahlā tālib-e-dīdār

    ek jalva par chamak uThtī hai sab aqlīm-e-ishq

    kaun aalam hai hamāre dīda-e-bedār

    āsmāñ rakhtā hai āñkheñ mehr-o-mah se us se pūchh

    kaun aalam hai hamāre dīda-e-bedār

    husn meñ ḳhud-raftagī hai to nahīñ maan.e hijāb

    bū-e-gul ko phāñdnā kyā baaġh dīvār

    vo apnī chaal hai koī mare koī jiye

    le uḌe saarā chalan tum charḳh-e-kaj-raftār

    nāḳhun-e-shamshīr-e-qātil ko duā dete haiñ ham

    uqda kholā ḳhuub 'anvar' murdan-e-dushvār

    ho raha hai TukDe TukDe dil mere gham-KHwar ka

    hai mere zaKHm-e-jigar mein kaT tegh-e-yar ka

    shor hai ghul hai jahan mein murdan-e-dushwar ka

    ek chalta war hai tegh-e-nigah-e-yar ka

    naghma dilkash hai dushman andalib-e-zar ka

    hai qafas mein band hona kholna minqar ka

    mast kuchh aisa hun chashm-e-nim-e-mast-e-yar ka

    zarf KHali jaanta hun saghar-e-sarshaar ka

    kya kahun kya haal hai mujh na-tawan-o-zar ka

    hun nigah-e-wapsin apni dil-e-bimar ka

    aasman phirta hai hasb-e-mudda-e-muddai

    rah par lana ghazab hai aise kaj-raftar ka

    bal be-bad-KHui mizaj-e-yar mein sau bal paDe

    ek bal nikla jo tar-e-gesu-e-KHam-dar ka

    dast-e-saqi par lagae aankh rahta hai mudam

    jam-e-mai hai dida-e-hasrat kisi mai-KHwar ka

    kis qadar bashshash hai asrar se KHali nahin

    rang mera uD gaya munh dekh kar sofar ka

    main giraftar-e-wafa hun chhuT ke jaunga kahan

    baal bandha chor hun har tar-e-zulf-e-yar ka

    koi ek gardish to ho aisi bhi han ai chashm-e-yar

    shaiKH puchhe mujh se rasta KHana-e-KHummar ka

    wah re qismat ki wo mere muqaddar mein paDa

    aah ne jo bal nikala charKH-e-kaj-raftar ka

    le chalo waiz ko hathon-hath uThae mai-kasho

    pasban chal kar bana do KHana-e-KHummar ka

    jaan sunne walon ki waiz labon par aa gai

    wah kya kahna hai hazrat aap ki guftar ka

    hai jo uftadon se kuchh nafrat to nafrat hi sahi

    kyun zamin par gir paDa saya teri diwar ka

    shakl-e-marham dekh kar Darta hai mera zaKHm-e-dil

    khol kar aankh apni dekha hai jo munh sofar ka

    nala mere lab pe aata hai jo sau sau naz se

    koi partaw le uDa shayad teri raftar ka

    ye to zahir hai ki wasl un ka kahan aur hum kahan

    lekin is paigham mein kuchh lutf hai takrar ka

    dil ko le ja mujh se ya to aap le ya banT de

    par ye hissa hai teri gesu ke ek ek tar ka

    al-aman us burrish-e-tegh-e-nazar se al-aman

    manti hai barq bhi loha teri talwar ka

    hath sambhla rakhiyo ai mashshata-e-jadu-taraaz

    ek jahan-e-dil hai basta turra-e-tarrar ka

    hun to diwana wale hushyari-e-matlab to dekh

    sar bhi phoDa DhunD kar patthar teri diwar ka

    kuchh idhar se arz matlab aur udhar se kuchh nahin

    ek judagana maza hai wasl mein takrar ka

    kitna gustaKHi se khincha hai tujhe aaghosh mein

    main gale ka haar hun tere gale ke haar ka

    kyun nahin girta mere aafat-zadon par hae hae

    aasman bhi hai magar saya teri diwar ka

    chhu gai kafir hawa kis ki nigah-e-garm se

    phul kumlaya hua hai kuchh gul-e-ruKHsar ka

    milti hai aaKHir ko kuchh kaifiyat-e-soz-o-gudaz

    saiqa hissa hai pahla talib-e-didar ka

    ek jalwa par chamak uThti hai sab aqlim-e-ishq

    kaun aalam hai hamare dida-e-bedar ka

    aasman rakhta hai aankhen mehr-o-mah se us se puchh

    kaun aalam hai hamare dida-e-bedar ka

    husn mein KHud-raftagi hai to nahin mane hijab

    bu-e-gul ko phandna kya bagh ki diwar ka

    wo hi apni chaal hai koi mare koi jiye

    le uDe sara chalan tum charKH-e-kaj-raftar ka

    naKHun-e-shamshir-e-qatil ko dua dete hain hum

    uqda khola KHub 'anwar' murdan-e-dushwar ka

    Source:

    Deewan-e-Anwar Nazm-e-Dilfroz
    • Deewan-e-Anwar Nazm-e-Dilfroz
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY