mohabbat ho to barq-e-jism-o-jaan ho

Anwar Dehlvi

mohabbat ho to barq-e-jism-o-jaan ho

Anwar Dehlvi

MORE BYAnwar Dehlvi

    mohabbat ho to barq-e-jism-o-jāñ ho

    vo ātish kyā ki siine meñ nihāñ ho

    nahīñ huā aur phir kahne ko yahāñ ho

    harīf-e-bad-gumāñ ke ham gumāñ ho

    tahayyur-e-fart shauq-e-dīd se huuñ

    vahīñ mujh ko bhī dekho tum jahāñ ho

    sunī jaatī ho jab mahshar meñ rūdād

    to apnī ḳhatm kyūñkar dāstāñ ho

    vo mustaġhnī sahī par dil gayā hai

    jo phir ho to unhīñ par kuchh gumāñ ho

    jo sach ho vāda-e-dīdār un

    to bātoñ meñ qayāmat kyuuñ ayaañ ho

    mujhe sar phoḌne meñ uzr kyā hai

    magar un sañg-e-āstāñ ho

    tumheñ vo parda yahāñ hai parda-dārī

    mere dil meñ nahīñ to phir kahāñ ho

    rukā jaatā hai dam-e-sīna meñ kyā kyā

    gale par kaash ḳhanjar ravāñ ho

    chhupā.e ham se kyā kyā raaz apne

    agar koī hamārā rāz-dāñ ho

    rahe kyuuñ talḳhī-e-farhād zikr

    agar shīrīñ shīrīñ dāstāñ ho

    zuleḳhā par na ho kyuuñ nāzish-e-ishq

    ki jab yūsuf matā-e-kārvāñ ho

    adū ḳhush ḳhush hai kuchh kah kar sunā hai

    na mānūñgā kabhī tum be-dahāñ ho

    milā hai baiThe rahne sahārā

    jahāñ ho aur tumhārā āstāñ ho

    usī meñ faisla samjhā huuñ dil

    kahāñ tak dekhiye zabt-e-fuġhāñ ho

    yahāñ baiThe ho par kuchh ukhḌe ukhḌe

    nazar miltī nahīñ dil se kahāñ huuñ

    sarāpā soz hai ulfat meñ 'anvar'

    ajab kyā hai agar ātish-zabāñ ho

    mohabbat ho to barq-e-jism-o-jaan ho

    wo aatish kya ki sine mein nihan ho

    nahin hua aur phir kahne ko yahan ho

    harif-e-bad-guman ke hum guman ho

    tahayyur-e-fart shauq-e-did se hun

    wahin mujh ko bhi dekho tum jahan ho

    suni jati ho jab mahshar mein rudad

    to apni KHatm kyunkar dastan ho

    wo mustaghni sahi par dil gaya hai

    jo phir ho to unhin par kuchh guman ho

    jo sach ho wada-e-didar un ka

    to baaton mein qayamat kyun ayan ho

    mujhe sar phoDne mein uzr kya hai

    magar un ka hi hi sang-e-astan ho

    tumhein wo parda yahan hai parda-dari

    mere dil mein nahin to phir kahan ho

    ruka jata hai dam-e-sina mein kya kya

    gale par kash KHanjar sa rawan ho

    chhupae hum se kya kya raaz apne

    agar koi hamara raaz-dan ho

    rahe kyun talKHi-e-farhad ka zikr

    agar shirin ki shirin dastan ho

    zuleKHa par na ho kyun nazish-e-ishq

    ki jab yusuf mata-e-karwan ho

    adu KHush KHush hai kuchh kah kar suna hai

    na manunga kabhi tum be-dahan ho

    mila hai baiThe rahne ka sahaara

    jahan ho aur tumhaara aastan ho

    usi mein faisla samjha hun dil ka

    kahan tak dekhiye zabt-e-fughan ho

    yahan baiThe ho par kuchh ukhDe ukhDe

    nazar milti nahin dil se kahan hun

    sarapa soz hai ulfat mein 'anwar'

    ajab kya hai agar aatish-zaban ho

    Source:

    Deewan-e-Anwar Nazm-e-Dilfroz
    • Deewan-e-Anwar Nazm-e-Dilfroz
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY