apna ejaz dikha de saqi

Wamiq Jaunpuri

apna ejaz dikha de saqi

Wamiq Jaunpuri

MORE BYWamiq Jaunpuri

    apnā ejaaz dikhā de saaqī

    aag se aag bujhā de saaqī

    naqsh-e-bedād miTā de saaqī

    ham ko āzād banā de saaqī

    vo uThīñ kaalī ghaTā.eñ tauba

    ab to piine razā de saaqī

    jis se so.e hue dil chauñk uTheñ

    naġhma ik aisā sunā de saaqī

    tujh ko mustaqbil-e-zarrīñ qasam

    pichhlī bātoñ ko bhulā de saaqī

    sadr-e-mai-ḳhāna banāyā thā kabhī

    ab jahāñ chāhe biThā de saaqī

    vo jo tasbīh liye hai us ko

    mere aage se uThā de saaqī

    nashshā-e-fikr abhī baaqī hai

    ek jaam aur uThā de saaqī

    qasr-e-auhām ko Dhāne ke liye

    saarā mai-ḳhāna luñDhā de saaqī

    sab jise kahte haiñ 'vāmiq' 'vāmiq'

    ham ko bhī us se milā de saaqī

    apna ejaz dikha de saqi

    aag se aag bujha de saqi

    naqsh-e-bedad miTa de saqi

    hum ko aazad bana de saqi

    wo uThin kali ghaTaen tauba

    ab to pine ki raza de saqi

    jis se soe hue dil chaunk uThen

    naghma ek aisa suna de saqi

    tujh ko mustaqbil-e-zarrin ki qasam

    pichhli baaton ko bhula de saqi

    sadr-e-mai-KHana banaya tha kabhi

    ab jahan chahe biTha de saqi

    wo jo tasbih liye hai us ko

    mere aage se uTha de saqi

    nashsha-e-fikr abhi baqi hai

    ek jam aur uTha de saqi

    qasr-e-auham ko Dhane ke liye

    sara mai-KHana lunDha de saqi

    sab jise kahte hain 'wamiq' 'wamiq'

    hum ko bhi us se mila de saqi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY