apna har uzw chashm-e-bina hai

Goya Faqir Mohammad

apna har uzw chashm-e-bina hai

Goya Faqir Mohammad

MORE BYGoya Faqir Mohammad

    apnā har uzv chashm-e-bīnā hai

    is qadar intizār terā hai

    jo hai mahbūb terā shaidā hai

    yūsuf aage tirī zuleḳhā hai

    ek mah-rū baġhal meñ sotā hai

    āsmāñ par dimāġh apnā hai

    ḳhaak meñ jo milā diyā mujh ko

    āsmāñ ne zamīñ ko sauñpā hai

    kis ne chehre se baal sarkā.e

    shaam ko sub.h āshkārā hai

    ustuḳhvāñ tak kabhī guzar na kiyā

    mere haq meñ humā bhī anqā hai

    tere qadmoñ pe kyuuñ na qais gire

    naqsh-e-pā rashk-e-rū-e-lailā hai

    in dinoñ ai masīh-e-dam tujh par

    dam nikaltā hai dam nikaltā hai

    taulūñ us sīm-tan ko nazroñ meñ

    ye mirā jism-e-zār kāñTā hai

    husn-e-ḳhūbāñ hilāl-o-badr tarah

    kabhī kam hai kabhī ziyāda hai

    us bayābāñ meñ le ga.ī vahshat

    māh-e-nau jis ek kāñTā hai

    dil meñ rahtā hai us kamar ḳhayāl

    kyā ye anqā āshiyānā hai

    aao āñkhoñ meñ ek dam Thahro

    putliyoñ yahāñ tamāshā hai

    kaf-e-pā bhī na ham ko dikhlā.e

    barhaman haath dekh jaatā hai

    yaar nām-e-ḳhudā hai kashtī meñ

    nāḳhudā aaj paar beḌā hai

    terā naqsh-e-qadam zamīñ pe nahīñ

    āsmāñ par koī sitārā hai

    ham se tum dushmanī lage karne

    dostī ab nasīb-e-a.adā hai

    kah rahe haiñ shab-e-firāq meñ ham

    aaj kis ko umīd-e-fardā hai

    ḳhaar chubh kar jo TūTtā hai kabhī

    aabla phuuT phuuT rotā hai

    āñkheñ nargis haiñ ruḳh hai gul qad sarv

    to ai gul chaman sarāpā hai

    kaam poshāk se nahīñ ham ko

    aib-poshī hamārā sheva hai

    de sulaimāñ us parī ko qasam

    is tarah shīshe meñ utārā hai

    zulf ne naqd-e-dil kiye haiñ jam.a

    ab to ye saañp koḌyālā hai

    pahuñche haiñ gor ke kināre ham

    ham se ab tak tumheñ kinārā hai

    jurm 'goyā' ke baḳhshvā denā

    yā-mohammad faqīr terā hai

    apna har uzw chashm-e-bina hai

    is qadar intizar tera hai

    jo hai mahbub tera shaida hai

    yusuf aage teri zuleKHa hai

    ek mah-ru baghal mein sota hai

    aasman par dimagh apna hai

    KHak mein jo mila diya mujh ko

    aasman ne zamin ko saunpa hai

    kis ne chehre se baal sarkae

    sham ko subh aashkara hai

    ustuKHwan tak kabhi guzar na kiya

    mere haq mein huma bhi anqa hai

    tere qadmon pe kyun na qais gire

    naqsh-e-pa rashk-e-ru-e-laila hai

    in dinon ai masih-e-dam tujh par

    dam nikalta hai dam nikalta hai

    taulun us sim-tan ko nazron mein

    ye mera jism-e-zar kanTa hai

    husn-e-KHuban hilal-o-badr ki tarah

    kabhi kam hai kabhi ziyaada hai

    us bayaban mein le gai wahshat

    mah-e-nau jis ka ek kanTa hai

    dil mein rahta hai us kamar ka KHayal

    kya ye anqa ka aashiyana hai

    aao aankhon mein ek dam Thahro

    putliyon ka yahan tamasha hai

    kaf-e-pa bhi na hum ko dikhlae

    barhaman hath dekh jata hai

    yar nam-e-KHuda hai kashti mein

    naKHuda aaj par beDa hai

    tera naqsh-e-qadam zamin pe nahin

    aasman par koi sitara hai

    hum se tum dushmani lage karne

    dosti ab nasib-e-ada hai

    kah rahe hain shab-e-firaq mein hum

    aaj kis ko umid-e-farda hai

    KHar chubh kar jo TuTta hai kabhi

    aabla phuT phuT rota hai

    aankhen nargis hain ruKH hai gul qad sarw

    tu to ai gul chaman sarapa hai

    kaam poshak se nahin hum ko

    aib-poshi hamara shewa hai

    de sulaiman ki us pari ko qasam

    is tarah shishe mein utara hai

    zulf ne naqd-e-dil kiye hain jama

    ab to ye sanp koDyala hai

    pahunche hain gor ke kinare hum

    hum se ab tak tumhein kinara hai

    jurm 'goya' ke baKHshwa dena

    ya-mohammad faqir tera hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY