apna to ye kaam hai bhai dil ka KHun bahate rahna
apnā to ye kaam hai bhaa.ī dil kā ḳhuun bahāte rahnā
jaag jaag kar in rātoñ meñ sher kī aag jalāte rahnā
apne gharoñ se duur banoñ meñ phirte hue āvāra logo
kabhī kabhī jab vaqt mile to apne ghar bhī jaate rahnā
raat ke dasht meñ phuul khile haiñ bhūlī-bisrī yādoñ ke
ġham kī tez sharāb se un ke tīkhe naqsh miTāte rahnā
ḳhushbū kī dīvār ke pīchhe kaise kaise rang jame haiñ
jab tak din kā sūraj aa.e us kā khoj lagāte rahnā
tum bhī 'munīr' ab un galiyoñ se apne aap ko duur hī rakhnā
achchhā hai jhūTe logoñ se apnā-āp bachāte rahnā
apna to ye kaam hai bhai dil ka KHun bahate rahna
jag jag kar in raaton mein sher ki aag jalate rahna
apne gharon se dur banon mein phirte hue aawara logo
kabhi kabhi jab waqt mile to apne ghar bhi jate rahna
raat ke dasht mein phul khile hain bhuli-bisri yaadon ke
gham ki tez sharab se un ke tikhe naqsh miTate rahna
KHushbu ki diwar ke pichhe kaise kaise rang jame hain
jab tak din ka suraj aae us ka khoj lagate rahna
tum bhi 'munir' ab un galiyon se apne aap ko dur hi rakhna
achchha hai jhuTe logon se apna-ap bachate rahna
Source:
kulliyat-e-muniir niyaazii (Pg. 228)
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
