aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

apne ahwal pe hum aap the hairan baba

Zia Jalandhari

apne ahwal pe hum aap the hairan baba

Zia Jalandhari

MORE BYZia Jalandhari

    apne ahvāl pe ham aap the hairāñ baabā

    aañkh dariyā thī magar dil thā bayābāñ baabā

    ye vo aañsū haiñ jo andar taraf girte haiñ

    hoñ bhī to ham nazar aate nahīñ giryāñ baabā

    is qadar sadma hai kyuuñ ek dil-e-vīrāñ par

    shahr ke shahr yahāñ ho ga.e vīrāñ baabā

    ye shab o roz ke hañgāmoñ se sahme hue log

    rahte haiñ mauj-e-sabā se bhī hirāsāñ baabā

    ūñchī dīvāroñ se bāhar nikal aa.e to khulā

    ham ne sīnoñ meñ banā rakkhe haiñ zindāñ baabā

    ḳhush-gumāñ ho ke na baiTh in dar-o-dīvār se pūchh

    ahl-e-ḳhāna bhī haiñ kuchh roz ke mehmāñ baabā

    yaḳh havāoñ se mujhe aatī hai ḳhush-bū-e-bahār

    shola-e-gul amiiñ hai ye zamistāñ baabā

    gard-bād aa.eñ ki girdāb, bayābāñ ho ki bahr

    zindagī hotī hai āp-apnī nigahbāñ baabā

    ga.ī rut lauT bhī aatī hai 'ziyā' hausla rakh

    ham ne dekhī haiñ siyah shāḳhoñ pe kaliyāñ baabā

    apne ahwal pe hum aap the hairan baba

    aankh dariya thi magar dil tha bayaban baba

    ye wo aansu hain jo andar ki taraf girte hain

    hon bhi to hum nazar aate nahin giryan baba

    is qadar sadma hai kyun ek dil-e-viran par

    shahr ke shahr yahan ho gae viran baba

    ye shab o roz ke hangamon se sahme hue log

    rahte hain mauj-e-saba se bhi hirasan baba

    unchi diwaron se bahar nikal aae to khula

    hum ne sinon mein bana rakkhe hain zindan baba

    KHush-guman ho ke na baiTh in dar-o-diwar se puchh

    ahl-e-KHana bhi hain kuchh roz ke mehman baba

    yaKH hawaon se mujhe aati hai KHush-bu-e-bahaar

    shola-e-gul ki amin hai ye zamistan baba

    gard-baad aaen ki girdab, bayaban ho ki bahr

    zindagi hoti hai aap-apni nigahban baba

    gai rut lauT bhi aati hai 'ziya' hausla rakh

    hum ne dekhi hain siyah shaKHon pe kaliyan baba

    Source:

    sar-e-shaam se pas-e-harf tak (Pg. 392)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now