apne andaz-e-taKHayyul mein utar jate hain

apne andāz-e-taḳhayyul meñ utar jaate haiñ

ham jidhar jaate haiñ parvāne udhar jaate haiñ

ham jo ik lamhe ko karte haiñ tasavvur terā

ham jo bigḌe hue hote haiñ sañvar jaate haiñ

ham vo mahrūmī-e-ulfat ke parinde Thahre

sub.h jiite haiñ jo phir shaam ko mar jaate haiñ

kūcha-e-rang-e-mohabbat meñ guloñ ko chhū kar

apne dāman ko saḳhāvat se hunar jaate haiñ

husn-e-dariyā ko nigāhoñ ke subū meñ bhar kar

tishnagī dil kī bujhāte haiñ guzar jaate haiñ

ham ne shādābī kā 'ishva nahīñ paalā 'kāvish'

ham ki vo gul haiñ jo khilte hī bikhar jaate haiñ

apne andaz-e-taKHayyul mein utar jate hain

hum jidhar jate hain parwane udhar jate hain

hum jo ek lamhe ko karte hain tasawwur tera

hum jo bigDe hue hote hain sanwar jate hain

hum wo mahrumi-e-ulfat ke parinde Thahre

subh jite hain jo phir sham ko mar jate hain

kucha-e-rang-e-mohabbat mein gulon ko chhu kar

apne daman ko saKHawat se hunar jate hain

husn-e-dariya ko nigahon ke subu mein bhar kar

tishnagi dil ki bujhate hain guzar jate hain

hum ne shadabi ka 'ishwa nahin pala 'kawish'

hum ki wo gul hain jo khilte hi bikhar jate hain