apne ashkon ki ye barsat kise pesh karun
apne ashkoñ kī ye barsāt kise pesh karūñ
shab-e-furqat kī ye sauġhāt kise pesh karūñ
ġham-e-daurāñ kī shikāyat ġham-e-jānāñ kā gilā
uf ye pechīda ḳhayālāt kise pesh karūñ
kaun pūchhegā mire hāl-e-fasurda kā mizāj
ġham-e-daurāñ kī hikāyāt kise pesh karūñ
ziist ko talḳh banāte haiñ jo har-dam merī
uljhe uljhe vo savālāt kise pesh karūñ
muntashir ho gayā shīrāza-e-ulfat afsos
dil ke bikhre hue zarrāt kise pesh karūñ
ġham kī tash.hīr se ho jaatī hai tauhīn-e-vafā
is aziyyat ke hisābāt kise pesh karūñ
chun ke ash.ār ġhazal ke maiñ sunā.ūñ kis ko
dil se umDe hue naġhmāt kise pesh karūñ
aaj bhī vo to nazar aate haiñ mā.il-ba-sitam
aur phir shauq ke jazbāt kise pesh karūñ
apne ashkon ki ye barsat kise pesh karun
shab-e-furqat ki ye saughat kise pesh karun
gham-e-dauran ki shikayat gham-e-jaanan ka gila
uf ye pechida KHayalat kise pesh karun
kaun puchhega mere haal-e-fasurda ka mizaj
gham-e-dauran ki hikayat kise pesh karun
zist ko talKH banate hain jo har-dam meri
uljhe uljhe wo sawalat kise pesh karun
muntashir ho gaya shiraaza-e-ulfat afsos
dil ke bikhre hue zarraat kise pesh karun
gham ki tashhir se ho jati hai tauhin-e-wafa
is aziyyat ke hisabaat kise pesh karun
chun ke ashaar ghazal ke main sunaun kis ko
dil se umDe hue naghmat kise pesh karun
aaj bhi wo to nazar aate hain mail-ba-sitam
aur phir shauq ke jazbaat kise pesh karun
Source:
Mata-e-Nazar (Pg. 77)
- Author: Nazar Barni
-
- Edition: 1969
- Publisher: Maktaba Naaz-e-Baran, Jamia Nagar, New Delhi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
