apne bare mein jab bhi socha hai
apne baare meñ jab bhī sochā hai
us kā chehra nazar meñ ubhrā hai
tajraboñ ne yahī batāyā hai
aadmī shohratoñ kā bhūkā hai
dekhiye to hai kārvāñ varna
har musāfir safar meñ tanhā hai
us ke baare meñ sochne vaalo
dekh lo ab ye haal apnā hai
kaun bandish lagā.e ḳhushbū kī
ishq fitrat kā ik taqāzā hai
yaad aa.ī hai jaane kis kis kī
lab pe jab zikr us kā aayā hai
fikr kī talḳhiyoñ meñ gum ho kar
aadmī be-sabab bhī hañstā hai
ārzūmand koī ho to kahūñ
mere dil meñ bhī ik tamannā hai
mere chehre pe jo likhā hai 'nazar'
ġhaur se kis ne us kī samjhā hai
apne bare mein jab bhi socha hai
us ka chehra nazar mein ubhra hai
tajrabon ne yahi bataya hai
aadmi shohraton ka bhuka hai
dekhiye to hai karwan warna
har musafir safar mein tanha hai
us ke bare mein sochne walo
dekh lo ab ye haal apna hai
kaun bandish lagae KHushbu ki
ishq fitrat ka ek taqaza hai
yaad aai hai jaane kis kis ki
lab pe jab zikr us ka aaya hai
fikr ki talKHiyon mein gum ho kar
aadmi be-sabab bhi hansta hai
aarzumand koi ho to kahun
mere dil mein bhi ek tamanna hai
mere chehre pe jo likha hai 'nazar'
ghaur se kis ne us ki samjha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
