apne daftar se nikalte haiñ to ghar jaate haiñ
log jiine kī tag-o-dau meñ bhī mar jaate haiñ
rāt-bhar hote haiñ kis tarah na-jāne yakjā
sub.h-dam shahr kī saḌkoñ pe bikhar jaate haiñ
shāḳh-e-gul kitnī hī fasloñ ke uThātī hai azaab
rang-o-bū phuul meñ yuuñ hī nahīñ bhar jaate haiñ
hādse rahte haiñ yuuñ umr-e-ravāñ ke hamrāh
jaise amvāj ke hamrāh bhañvar jaate haiñ
ajnabī shahr meñ shāyad koī apnā mil jaa.e
jis jagah bhiiḌ nazar aa.e Thahar jaate haiñ
jab bhī mar jaatā hai muflis kisī kumbe kā kafīl
ek ke saath ka.ī aur bhī mar jaate haiñ
mujh ko mālūm hai jab maiñ nahīñ hotā maujūd
ḳhud-baḳhud aap ke gesū bhī sañvar jaate haiñ
apne daftar se nikalte hain to ghar jate hain
log jine ki tag-o-dau mein bhi mar jate hain
raat-bhar hote hain kis tarah na-jaane yakja
subh-dam shahr ki saDkon pe bikhar jate hain
shaKH-e-gul kitni hi faslon ke uThati hai azab
rang-o-bu phul mein yun hi nahin bhar jate hain
hadse rahte hain yun umr-e-rawan ke hamrah
jaise amwaj ke hamrah bhanwar jate hain
ajnabi shahr mein shayad koi apna mil jae
jis jagah bhiD nazar aae Thahar jate hain
jab bhi mar jata hai muflis kisi kumbe ka kafil
ek ke sath kai aur bhi mar jate hain
mujh ko malum hai jab main nahin hota maujud
KHud-baKHud aap ke gesu bhi sanwar jate hain
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
