apne diwar-o-dar se puchhte hain

apne dīvār-o-dar se pūchhte haiñ

ghar ke hālāt ghar se pūchhte haiñ

kyuuñ akele haiñ qāfile vaale

ek ik ham-safar se pūchhte haiñ

kyā kabhī zindagī bhī dekheñge

bas yahī umr-bhar se pūchhte haiñ

jurm hai ḳhvāb dekhnā bhī kyā

rāt-bhar chashm-e-tar se pūchhte haiñ

ye mulāqāt āḳhirī to nahīñ

ham judā.ī ke Dar se pūchhte haiñ

zaḳhm kā naam phuul kaise paḌā

tere dast-e-hunar se pūchhte haiñ

kitne jañgal haiñ in makānoñ meñ

bas yahī shahr bhar se pūchhte haiñ

ye jo dīvār hai ye kis kī hai

ham idhar vo udhar se pūchhte haiñ

haiñ kanīzeñ bhī is mahal meñ kyā

shāh-zādoñ ke Dar se pūchhte haiñ

kyā kahīñ qatl ho gayā sūraj

raat se rāt-bhar se pūchhte haiñ

kaun vāris hai chhāñv kā āḳhir

dhuup meñ ham-safar se pūchhte haiñ

ye kināre bhī kitne saada haiñ

kashtiyoñ ko bhañvar se pūchhte haiñ

vo guzartā to hogā ab tanhā

ek ik rahguzar se pūchhte haiñ

apne diwar-o-dar se puchhte hain

ghar ke haalat ghar se puchhte hain

kyun akele hain qafile wale

ek ek ham-safar se puchhte hain

kya kabhi zindagi bhi dekhenge

bas yahi umr-bhar se puchhte hain

jurm hai KHwab dekhna bhi kya

raat-bhar chashm-e-tar se puchhte hain

ye mulaqat aaKHiri to nahin

hum judai ke Dar se puchhte hain

zaKHm ka nam phul kaise paDa

tere dast-e-hunar se puchhte hain

kitne jangal hain in makanon mein

bas yahi shahr bhar se puchhte hain

ye jo diwar hai ye kis ki hai

hum idhar wo udhar se puchhte hain

hain kanizen bhi is mahal mein kya

shah-zadon ke Dar se puchhte hain

kya kahin qatl ho gaya suraj

raat se raat-bhar se puchhte hain

kaun waris hai chhanw ka aaKHir

dhup mein ham-safar se puchhte hain

ye kinare bhi kitne sada hain

kashtiyon ko bhanwar se puchhte hain

wo guzarta to hoga ab tanha

ek ek rahguzar se puchhte hain