apne dil mein jagah bana li hai

apne dil meñ jagah banā lī hai

ek duniyā na.ī basā lī hai

shāhzādī ne 'ishq meñ kho kar

baaġh meñ jhoñpḌī banā lī hai

apnī sāñseñ bhī dī haiñ badle meñ

kaun sī muft meñ havā lī hai

ab to sahrā meñ bas bache haiñ ham

ḳhaak jitnī bhī thī uḌā lī hai

kaam kī baat bhuul jaate haiñ

aap ne kaun sī davā lī hai

tum ne jo dil kī baat kī thī nā

ham ne vo ruuh se lagā lī hai

ab hamārī ġhazal mukammal hai

ham ne kal shab unheñ sunā lī hai

apne dil mein jagah bana li hai

ek duniya nai basa li hai

shahzadi ne 'ishq mein kho kar

bagh mein jhonpDi bana li hai

apni sansen bhi di hain badle mein

kaun si muft mein hawa li hai

ab to sahra mein bas bache hain hum

KHak jitni bhi thi uDa li hai

kaam ki baat bhul jate hain

aap ne kaun si dawa li hai

tum ne jo dil ki baat ki thi na

hum ne wo ruh se laga li hai

ab hamari ghazal mukammal hai

hum ne kal shab unhen suna li hai