apne dushman hazar nikle hain

apne dushman hazār nikle haiñ

haañ magar bā-vaqār nikle haiñ

ham bhī kyā bāda-ḳhvār ho jaa.eñ

shaiḳh to bāda-ḳhvār nikle haiñ

ghar kā rasta na mil sakā ham ko

ghar se jo ek baar nikle haiñ

chāñd bin chāñdnī kahāñ hogī

go sitāre hazār nikle haiñ

ḳhūn-e-dil de ke jin ko sīñchā thā

naḳhl sab ḳhār-dār nikle haiñ

band kūche kī dūsrī jānib

rāste be-shumār nikle haiñ

ba.ad ik umr kī ḳhamoshī ke

misre sab zor-dār nikle haiñ

ham to samjhe the mast haiñ 'āsī'

aap bhī hoshiyār nikle haiñ

koī kahtā thā ḳhush haiñ 'āsī-jī'

vo magar dil-figār nikle haiñ

apne dushman hazar nikle hain

han magar ba-waqar nikle hain

hum bhi kya baada-KHwar ho jaen

shaiKH to baada-KHwar nikle hain

ghar ka rasta na mil saka hum ko

ghar se jo ek bar nikle hain

chand bin chandni kahan hogi

go sitare hazar nikle hain

KHun-e-dil de ke jin ko sincha tha

naKHl sab KHar-dar nikle hain

band kuche ki dusri jaanib

raste be-shumar nikle hain

baad ek umr ki KHamoshi ke

misre sab zor-dar nikle hain

hum to samjhe the mast hain 'asi'

aap bhi hoshiyar nikle hain

koi kahta tha KHush hain 'asi-ji'

wo magar dil-figar nikle hain