aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

apne gham ka mujhe kahan gham hai

Firaq Gorakhpuri

apne gham ka mujhe kahan gham hai

Firaq Gorakhpuri

MORE BYFiraq Gorakhpuri

    apne ġham mujhe kahāñ ġham hai

    ai ki terī ḳhushī muqaddam hai

    aag meñ jo paḌā vo aag huā

    husn-e-soz-e-nihāñ mujassam hai

    us ke shaitān ko kahāñ taufīq

    ishq karnā gunāh-e-ādam hai

    dil ke dhaḌkoñ meñ zor-e-zarb-e-kalīm

    kis qadar is habāb meñ dam hai

    hai vahī ishq zinda-o-jāved

    jise āb-e-hayāt bhī sam hai

    is meñ Thahrāv sukūn kahāñ

    zindagī inqalāb-e-paiham hai

    ik taḌap mauj-e-tah-nashīñ tarah

    zindagī binā-e-mohkam hai

    rahtī duniyā meñ ishq duniyā

    na.e unvān se munazzam hai

    uThne vaalī hai bazm maazī

    raushnī kam hai zindagī kam hai

    ye bhī nazm-e-hayāt hai koī

    zindagī zindagī mātam hai

    ik muamma hai zindagī ai dost

    ye bhī terī adā-e-mub.ham hai

    ai mohabbat ik azaab sahī

    zindagī be tire jahannam hai

    ik talātum rañg-o-nik.hat

    paikar-e-nāz meñ damā-dam hai

    phirne ko hai rasīlī nīm-nigāh

    āhū-e-nāz mā.il-e-ram hai

    ruup ke jot zer-e-pairāhan

    gulsitāñ par ridā-e-shabnam hai

    mere siine se lag ke so jaao

    palkeñ bhārī haiñ raat bhī kam hai

    aah ye mehrbāniyāñ terī

    shādmānī aañkh pur-nam hai

    narm o doshīza kis qadr hai nigāh

    har nazar dāstān-e-maryam hai

    mehr-o-mah shola-hā-e-sāz-e-jamāl

    jis jhankār itnī maddham hai

    jaise uchhle junūñ pahlī shaam

    is adā se vo zulf barham hai

    yuuñ bhī dil meñ nahīñ vo pahlī umañg

    aur terī nigāh bhī kam hai

    aur kyuuñ chheḌtī hai gardish-e-charḳh

    vo nazar phir ga.ī ye kyā kam hai

    rū-kash-e-sad-harīm-e-dil hai fazā

    vo jahāñ haiñ ajiib aalam hai

    diye jaatī hai lau sadā-e-'firāq'

    haañ vahī soz-o-sāz kam kam hai

    apne gham ka mujhe kahan gham hai

    ai ki teri KHushi muqaddam hai

    aag mein jo paDa wo aag hua

    husn-e-soz-e-nihan mujassam hai

    us ke shaitan ko kahan taufiq

    ishq karna gunah-e-adam hai

    dil ke dhaDkon mein zor-e-zarb-e-kalim

    kis qadar is habab mein dam hai

    hai wahi ishq zinda-o-jawed

    jise aab-e-hayat bhi sam hai

    is mein Thahraw ya sukun kahan

    zindagi inqalab-e-paiham hai

    ek taDap mauj-e-tah-nashin ki tarah

    zindagi ki bina-e-mohkam hai

    rahti duniya mein ishq ki duniya

    nae unwan se munazzam hai

    uThne wali hai bazm mazi ki

    raushni kam hai zindagi kam hai

    ye bhi nazm-e-hayat hai koi

    zindagi zindagi ka matam hai

    ek muamma hai zindagi ai dost

    ye bhi teri ada-e-mubham hai

    ai mohabbat tu ek azab sahi

    zindagi be tere jahannam hai

    ek talatum sa rang-o-nikhat ka

    paikar-e-naz mein dama-dam hai

    phirne ko hai rasili nim-nigah

    aahu-e-naz mail-e-ram hai

    rup ke jot zer-e-pairahan

    gulsitan par rida-e-shabnam hai

    mere sine se lag ke so jao

    palken bhaari hain raat bhi kam hai

    aah ye mehrbaniyan teri

    shadmani ki aankh pur-nam hai

    narm o doshiza kis qadr hai nigah

    har nazar dastan-e-maryam hai

    mehr-o-mah shola-ha-e-saz-e-jamal

    jis ki jhankar itni maddham hai

    jaise uchhle junun ki pahli sham

    is ada se wo zulf barham hai

    yun bhi dil mein nahin wo pahli umang

    aur teri nigah bhi kam hai

    aur kyun chheDti hai gardish-e-charKH

    wo nazar phir gai ye kya kam hai

    ru-kash-e-sad-harim-e-dil hai faza

    wo jahan hain ajib aalam hai

    diye jati hai lau sada-e-'firaq'

    han wahi soz-o-saz kam kam hai

    RECITATIONS

    Khalid Mubashshir

    Khalid Mubashshir,

    Khalid Mubashshir

    apne gham ka mujhe kahan gham hai Khalid Mubashshir

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now