apne hi shab o rose mein aabaad raha kar

apne hī shab o roz meñ ābād rahā kar

ham log bure log haiñ ham se na milā kar

shāyad kisī āvāz kī ḳhushbū nazar aa.e

āñkheñ haiñ to ḳhvāboñ kī tamannā bhī kiyā kar

bātoñ ke liye shikva-e-mausam hī bahut hai

kuchh aur kisī se na kahā kar na sunā kar

sone de unheñ rañg jo so.e haiñ badan meñ

āvāra havāoñ ko na mahsūs kiyā kar

tū sub.h-e-bahārāñ kā hasīñ ḳhvāb hai phir bhī

āhista zarā os kī būñdoñ pe chalā kar

apne hi shab o roz mein aabaad raha kar

hum log bure log hain hum se na mila kar

shayad kisi aawaz ki KHushbu nazar aae

aankhen hain to KHwabon ki tamanna bhi kiya kar

baaton ke liye shikwa-e-mausam hi bahut hai

kuchh aur kisi se na kaha kar na suna kar

sone de unhen rang jo soe hain badan mein

aawara hawaon ko na mahsus kiya kar

tu subh-e-bahaaran ka hasin KHwab hai phir bhi

aahista zara os ki bundon pe chala kar