apne tewar se jo kar deta hai sab ko la-kalam

apne tevar se jo kar detā hai sab ko lā-kalām

us kī ḳhidmat meñ karūñgā pesh aaj apnā kalām

shahr meñ koī mujhe pahchān hī paatā nahīñ

aur sahrā meñ kisī se maiñ nahīñ kartā kalām

merī ḳhāmoshī kī mahfil meñ koī to daad de

hai koī mere sivā jo kah sake aisā kalām

ham bure logoñ kī sohbat ne kiyā us ko ḳharāb

vo bhī tanhā.ī meñ dohrātā rahā apnā kalām

muḳhtalif andāz kī shādī hai ye bārātiyo

phuul sī zinda zamīñ aur zahr sā sachchā kalām

saare jazboñ ke dukāñ-dāroñ kī jebeñ bhar ga.iiñ

bik gayā bāzār meñ jitnā bhī thā sastā kalām

apne tewar se jo kar deta hai sab ko la-kalam

us ki KHidmat mein karunga pesh aaj apna kalam

shahr mein koi mujhe pahchan hi pata nahin

aur sahra mein kisi se main nahin karta kalam

meri KHamoshi ki mahfil mein koi to dad de

hai koi mere siwa jo kah sake aisa kalam

hum bure logon ki sohbat ne kiya us ko KHarab

wo bhi tanhai mein dohraata raha apna kalam

muKHtalif andaz ki shadi hai ye baraatiyo

phul si zinda zamin aur zahr sa sachcha kalam

sare jazbon ke dukan-daron ki jeben bhar gain

bik gaya bazar mein jitna bhi tha sasta kalam