apni aankhon ko kabhi Thik se dhoya hi nahin

apnī āñkhoñ ko kabhī Thiik se dhoyā hī nahīñ

sach kahūñ aaj talak khul ke maiñ royā hī nahīñ

mere lafzoñ se mirā dard jhalak jaatā hai

jabki is dard ko āvāz meñ boyā hī nahīñ

ik daf.a niiñd meñ ḳhvāboñ kā janāza dekhā

ba.ad us ke maiñ kabhī chain se soyā hī nahīñ

tañg galiyoñ meñ mohabbat kī bhaTakte haiñ sab

maiñ ne koshish to ka.ī baar kī khoyā hī nahīñ

saañs ruk jaa.e taḌapte hue yādoñ meñ kahīñ

hijr kā bojh kabhī dil pe yuuñ Dhoyā hī nahīñ

maiñ kahānī meñ nayā moḌ bhī lā saktā thā

maiñ ne kirdār ko aañsū meñ bhigoyā hī nahīñ

apne rishte kā bhī ab 'mīt' bikharnā tai thā

ham ne vishvās ke dhāge meñ piroyā hī nahīñ

apni aankhon ko kabhi Thik se dhoya hi nahin

sach kahun aaj talak khul ke main roya hi nahin

mere lafzon se mera dard jhalak jata hai

jabki is dard ko aawaz mein boya hi nahin

ek dafa nind mein KHwabon ka janaza dekha

baad us ke main kabhi chain se soya hi nahin

tang galiyon mein mohabbat ki bhaTakte hain sab

main ne koshish to kai bar ki khoya hi nahin

sans ruk jae taDapte hue yaadon mein kahin

hijr ka bojh kabhi dil pe yun Dhoya hi nahin

main kahani mein naya moD bhi la sakta tha

main ne kirdar ko aansu mein bhigoya hi nahin

apne rishte ka bhi ab 'mit' bikharna tai tha

hum ne wishwas ke dhage mein piroya hi nahin