apni aankhon mein basa lo ya gira do mujhko

apnī āñkhoñ meñ basā lo yā girā do mujh ko

qatra-e-ashk huuñ jo chāhe sazā do mujh ko

sūrat-e-sham-e-sar-e-bazm jalā do mujh ko

sub.h ho jaa.e to āñval se bujhā do mujh ko

maiñ to bīmār-e-mohabbat huuñ mere chāragaro

ab to bas zulf-e-mo.ambar kī havā do mujh ko

ik sivā tere mujhe yaad na aa.e kuchh bhī

is qadar ishq meñ dīvāna banā do mujh ko

mere dil meñ na koī hasrat-e-dīdār rahe

kaash ik baar ruḳh-e-zebā dikhā do mujh ko

is qadar apne nazar se ho ḳhafā Thiik nahīñ

kyā ḳhatā merī hai bas itnā batā do mujh ko

apni aankhon mein basa lo ya gira do mujh ko

qatra-e-ashk hun jo chahe saza do mujh ko

surat-e-sham-e-sar-e-bazm jala do mujh ko

subh ho jae to aanwal se bujha do mujh ko

main to bimar-e-mohabbat hun mere chaaragaro

ab to bas zulf-e-moambar ki hawa do mujh ko

ek siwa tere mujhe yaad na aae kuchh bhi

is qadar ishq mein diwana bana do mujh ko

mere dil mein na koi hasrat-e-didar rahe

kash ek bar ruKH-e-zeba dikha do mujh ko

is qadar apne nazar se ho KHafa Thik nahin

kya KHata meri hai bas itna bata do mujh ko