apni achchhi buri auqat jie jata hun
apnī achchhī burī auqāt ji.e jaatā huuñ
ḳhud ko jiinā hai so hazrāt ji.e jaatā huuñ
din nikaltā hai to din kī hī talab rahtī hai
raat hotī hai to phir raat ji.e jaatā huuñ
biich kā kuchh bhī mujhe yaad nahīñ rahtā hai
āḳhirī pahlī mulāqāt ji.e jaatā huuñ
vo badan yuuñ bhī talabgār nahīñ hai merā
vasl meñ hijr ke lamhāt ji.e jaatā huuñ
mujh ko har chiiz meñ imkān nazar aate haiñ
raushnī jab bhī tire saath ji.e jaatā huuñ
apni achchhi buri auqat jie jata hun
KHud ko jina hai so hazraat jie jata hun
din nikalta hai to din ki hi talab rahti hai
raat hoti hai to phir raat jie jata hun
bich ka kuchh bhi mujhe yaad nahin rahta hai
aaKHiri pahli mulaqat jie jata hun
wo badan yun bhi talabgar nahin hai mera
wasl mein hijr ke lamhat jie jata hun
mujh ko har chiz mein imkan nazar aate hain
raushni jab bhi tere sath jie jata hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
