apni bahon ko humne patwar kiya tha

apnī bāhoñ ko ham ne patvār kiyā thā

tab jā kar vo ḳhuun kā dariyā paar kiyā thā

patthar pheñk ke logoñ ne jab izzat baḳhshī

ham ne apne hāthoñ ko dastār kiyā thā

kaun se ḳhvāb ne raat apnī āñkheñ kholī thiiñ

kis kī ḳhushbū ne dil ko bedār kiyā thā

us ne dil par qabza kiyā ban baiThā aamir

ham ne jis kī shāhī se inkār kiyā thā

bante ga.e the apnī Thokar se vo raste

jin rastoñ ko tū ne kal dīvār kiyā thā

jin ko kabhī ik aañkh na ham bhaa.e the 'aḳhtar'

ham ne un kī nafrat se bhī pyaar kiyā thā

apni bahon ko hum ne patwar kiya tha

tab ja kar wo KHun ka dariya par kiya tha

patthar phenk ke logon ne jab izzat baKHshi

hum ne apne hathon ko dastar kiya tha

kaun se KHwab ne raat apni aankhen kholi thin

kis ki KHushbu ne dil ko bedar kiya tha

us ne dil par qabza kiya ban baiTha aamir

hum ne jis ki shahi se inkar kiya tha

bante gae the apni Thokar se wo raste

jin raston ko tu ne kal diwar kiya tha

jin ko kabhi ek aankh na hum bhae the 'aKHtar'

hum ne un ki nafrat se bhi pyar kiya tha