apnī hatheliyoñ meñ ujāle sameT lo
maiñ shab-gazīda huuñ mujhe tum duur pheñk do
nazroñ kī rakh ke uñgliyāñ merī shaboñ pe tum
mere akele-pan kā zarā zahr chuus lo
sadiyoñ ko de ke aaya huuñ kitne na.e ḳhayāl
merā bhī naam safha-e-tārīḳh par likho
jitnī tavīl umr añdheroñ ne paa.ī hai
utnī tavīl hai mirī tanhā.ī naap lo
miltā nahīñ hai sab ko ye sarmāya vaqt kā
sochoñ kā karb paas sañbhāle hue rakho
kitnā aziim shaḳhs hai is daur kā 'sabā'
is ke basīt zehn kī tārīḳh ko paḌho
apni hatheliyon mein ujale sameT lo
main shab-gazida hun mujhe tum dur phenk do
nazron ki rakh ke ungliyan meri shabon pe tum
mere akele-pan ka zara zahr chus lo
sadiyon ko de ke aaya hun kitne nae KHayal
mera bhi nam safha-e-tariKH par likho
jitni tawil umr andheron ne pai hai
utni tawil hai meri tanhai nap lo
milta nahin hai sab ko ye sarmaya waqt ka
sochon ka karb pas sanbhaale hue rakho
kitna azim shaKHs hai is daur ka 'saba'
is ke basit zehn ki tariKH ko paDho
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
