apni jaulan-gah zer-e-asman samjha tha main
apni jaulan-gah zer-e-asman samjha tha main
Syed Zahiruddin Zaheer
MORE BYSyed Zahiruddin Zaheer
apnī jaulāñ-gāh zer-e-āsmāñ samjhā thā maiñ
āb-o-gil ke khel ko apnā jahāñ samjhā thā maiñ
jis dil-e-nā-āqebat-andesh ne chhoḌā thā saath
aise dīvāne ko mīr-e-kārvāñ samjhā thā maiñ
aañkh band hote hī mujh par khul gayā rāz-e-hayāt
ziist ko duniyā meñ umr-e-jāvedāñ samjhā thā maiñ
un ke qabze meñ hai jannat un ke qabze meñ hai naar
is ta.allī ko hadīs-e-dīgarāñ samjhā thā maiñ
mustaqil hai vo to barq-o-bād kā maskan 'zahīr'
ye ġhalat-fahmī thī jis ko āshiyāñ samjhā thā maiñ
apni jaulan-gah zer-e-asman samjha tha main
aab-o-gil ke khel ko apna jahan samjha tha main
jis dil-e-na-aqebat-andesh ne chhoDa tha sath
aise diwane ko mir-e-karwan samjha tha main
aankh band hote hi mujh par khul gaya raaz-e-hayat
zist ko duniya mein umr-e-jawedan samjha tha main
un ke qabze mein hai jannat un ke qabze mein hai nar
is talli ko hadis-e-digaran samjha tha main
mustaqil hai wo to barq-o-baad ka maskan 'zahir'
ye ghalat-fahmi thi jis ko aashiyan samjha tha main
Source:
SAAZ-O-NAVA (Pg. 217)
-
- Publisher: Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
