apni mehnat se bahut log kamae hue hain

apnī mehnat se bahut log kamā.e hue haiñ

zindagī ham tire mazdūr haiñ chhā.e hue haiñ

terī jānib bhī hameñ fāsle tai karne paḌe

apnī jānib bhī kahīñ duur se aa.e hue haiñ

shahr māñgegā to tā'bīr bhī lā deñge ham

ye na.e ḳhvāb hamāre hī dikhā.e hue haiñ

kaisī rut thī ki vo tab bhuul ga.e the sab kuchh

kaisī rut hai ki hamīñ dhyān meñ laa.e hue haiñ

ik zarā sā to safar hai magar in logoñ ne

kaise kaise sar-o-sāmān uThā.e hue haiñ

apni mehnat se bahut log kamae hue hain

zindagi hum tere mazdur hain chhae hue hain

teri jaanib bhi hamein fasle tai karne paDe

apni jaanib bhi kahin dur se aae hue hain

shahr mangega to ta'bir bhi la denge hum

ye nae KHwab hamare hi dikhae hue hain

kaisi rut thi ki wo tab bhul gae the sab kuchh

kaisi rut hai ki hamin dhyan mein lae hue hain

ek zara sa to safar hai magar in logon ne

kaise kaise sar-o-saman uThae hue hain