apni qismat mein agar aish ke saman hote

Kanval M. A

apni qismat mein agar aish ke saman hote

Kanval M. A

MORE BYKanval M. A

    apnī qismat meñ agar aish ke sāmāñ hote

    ain mumkin thā ki ham aur pareshāñ hote

    bāġhbāñ naaz na kar apne chaman-zāroñ par

    ham ne dekhe haiñ chaman-zār bayābāñ hote

    aur Dhañg se tanzīm-e-gulistāñ hotī

    dūr-andesh agar ahl-e-gulistāñ hote

    yahī duniyā jo jahannum hai vo jannat hotī

    apne kirdār se insāñ agar insāñ hote

    shāḳh-e-nāzuk pe khile the ki murjhā bhī ga.e

    ek din phuul yahī shān-e-bahārāñ hote

    apne ghar kisī shai pe nahīñ haq apnā

    is se behtar thā ki ham be-sar-o-sāmāñ hote

    ham ne har jaur sahā un ḳhushī se lekin

    kaash vo apnī jafāoñ pe pashemāñ hote

    koī ḳhūbī na koī vasf na koī jauhar

    ham agar hote to kis baat pe nāzāñ hote

    tab-e-mauzūñ meñ agar zor-e-bayāñ bhī hotā

    ham bhī auroñ tarah sho.ala-ba-dāmāñ hote

    ai 'kañval' pā-e-talab meñ thī laġhzish varna

    marhale jo bhī the is raah meñ āsāñ hote

    apni qismat mein agar aish ke saman hote

    ain mumkin tha ki hum aur pareshan hote

    baghban naz na kar apne chaman-zaron par

    hum ne dekhe hain chaman-zar bayaban hote

    aur hi Dhang se tanzim-e-gulistan hoti

    dur-andesh agar ahl-e-gulistan hote

    yahi duniya jo jahannum hai wo jannat hoti

    apne kirdar se insan agar insan hote

    shaKH-e-nazuk pe khile hi the ki murjha bhi gae

    ek din phul yahi shan-e-bahaaran hote

    apne hi ghar ki kisi shai pe nahin haq apna

    is se behtar tha ki hum be-sar-o-saman hote

    hum ne har jaur saha un ka KHushi se lekin

    kash wo apni jafaon pe pasheman hote

    koi KHubi na koi wasf na koi jauhar

    hum agar hote to kis baat pe nazan hote

    tab-e-mauzun mein agar zor-e-bayan bhi hota

    hum bhi auron ki tarah shoala-ba-daman hote

    ai 'kanwal' pa-e-talab hi mein thi laghzish warna

    marhale jo bhi the is rah mein aasan hote

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY