apni qismat mein gham-e-arsa-e-hijran hai to kya

Akhtar Ziai

apni qismat mein gham-e-arsa-e-hijran hai to kya

Akhtar Ziai

MORE BYAkhtar Ziai

    apnī qismat meñ ġham-e-arsa-e-hijrāñ hai to kyā

    ashk minnat-kash-e-gahvāra-e-mizhgāñ hai to kyā

    husn arbāb-e-haqīqat ko hai nāzūra-e-haq

    shaiḳh aap ko andesha-e-īmāñ hai to kyā

    vaqt ke saath fuzūñ hotā hai ehsās-e-ziyāñ

    fahm-o-idrāk ġhārat-gar-e-insāñ hai to kyā

    be-muhābāna masarrat ke ta.āqub meñ na dauḌ

    dām-e-nairañg pas-e-sarhad-e-imkāñ hai to kyā

    ham to ik umr se haiñ muntazir-e-marg-e-ḳhizāñ

    ab ke logoñ meñ agar zikr-e-bahārāñ hai to kyā

    mausam aatā hai to kāñToñ meñ gul khilte haiñ

    dast-e-gul-chīñ meñ agar nazm-e-gulistāñ hai to kyā

    zer-e-ta.amīr isī haal meñ hai mustaqbil

    is meñ kuchh reḳht pahlū bhī numāyāñ hai to kyā

    apni qismat mein gham-e-arsa-e-hijran hai to kya

    ashk minnat-kash-e-gahwara-e-mizhgan hai to kya

    husn arbab-e-haqiqat ko hai nazura-e-haq

    shaiKH ji aap ko andesha-e-iman hai to kya

    waqt ke sath fuzun hota hai ehsas-e-ziyan

    fahm-o-idrak hi ghaarat-gar-e-insan hai to kya

    be-muhabana masarrat ke taaqub mein na dauD

    dam-e-nairang pas-e-sarhad-e-imkan hai to kya

    hum to ek umr se hain muntazir-e-marg-e-KHizan

    ab ke logon mein agar zikr-e-bahaaran hai to kya

    mausam aata hai to kanTon hi mein gul khilte hain

    dast-e-gul-chin mein agar nazm-e-gulistan hai to kya

    zer-e-tamir isi haal mein hai mustaqbil

    is mein kuchh reKHt ka pahlu bhi numayan hai to kya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY