apni to mohabbat ki itni si kahani hai
apnī to mohabbat kī itnī sī kahānī hai
TuuTī hui kashtī hai Thahrā huā paanī hai
ik phuul kitāboñ meñ dam toḌ gayā lekin
kuchh yaad nahīñ aatā ye kis kī nishānī hai
bikhre hue pannoñ se yādeñ sī jhalaktī haiñ
kuchh terī kahānī hai kuchh merī kahānī hai
sāvan kī bahāroñ meñ naġhma haiñ na jhūle haiñ
ākāsh kī āñkhoñ meñ rotā huā paanī hai
chehroñ kī kitāboñ meñ alfāz nahīñ hote
har ek shikan ḳhud meñ ik puurī kahānī hai
chehroñ se to lagtā hai sab bhuul ke baiThe haiñ
ham sirf musāfir haiñ ik raat bitānī hai
maanā ki inheñ ik hī jhoñke ne girāyā hai
har TūTte patte kī apnī hī kahānī hai
apni to mohabbat ki itni si kahani hai
TuTi hui kashti hai Thahra hua pani hai
ek phul kitabon mein dam toD gaya lekin
kuchh yaad nahin aata ye kis ki nishani hai
bikhre hue pannon se yaaden si jhalakti hain
kuchh teri kahani hai kuchh meri kahani hai
sawan ki bahaaron mein naghma hain na jhule hain
aakash ki aankhon mein rota hua pani hai
chehron ki kitabon mein alfaz nahin hote
har ek shikan KHud mein ek puri kahani hai
chehron se to lagta hai sab bhul ke baiThe hain
hum sirf musafir hain ek raat bitani hai
mana ki inhen ek hi jhonke ne giraya hai
har TuTte patte ki apni hi kahani hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
