apni zamin se dur zaman-o-makan se dur

apnī zamīñ se duur zamān-o-makāñ se duur

ham ne sajā liyā hai qafas āshiyāñ se duur

maanā ki ham vatan se azīzoñ se duur haiñ

tahzīb se judā haiñ na urdu zabāñ se duur

mahsūr tañgnā-e-masālik meñ ham nahīñ

dair-o-haram se duur haiñ kū-e-butāñ se duur

mahsūs kar rahe haiñ vilāyat meñ āj-kal

hindostāñ meñ rahte haiñ hindostāñ se duur

soz-e-yaqīn mish.al-e-rāh-e-hayāt hai

tashkīl se buland haiñ vahm-o-gumāñ se duur

'sultān' asīr-e-zulf hue bhī to kis ke aap

dil se bahut qarīb haiñ aur jism-o-jāñ se duur

apni zamin se dur zaman-o-makan se dur

hum ne saja liya hai qafas aashiyan se dur

mana ki hum watan se azizon se dur hain

tahzib se juda hain na urdu zaban se dur

mahsur tangna-e-masalik mein hum nahin

dair-o-haram se dur hain ku-e-butan se dur

mahsus kar rahe hain wilayat mein aaj-kal

hindostan mein rahte hain hindostan se dur

soz-e-yaqin mishal-e-rah-e-hayat hai

tashkil se buland hain wahm-o-guman se dur

'sultan' asir-e-zulf hue bhi to kis ke aap

dil se bahut qarib hain aur jism-o-jaan se dur