apnon ke darmiyan salamat nahin rahe
apnoñ ke darmiyān salāmat nahīñ rahe
dīvār-o-dar makān salāmat nahīñ rahe
nafrat kī gard jam.a nigāhoñ meñ rah ga.ī
ulfat ke qadr-dān salāmat nahīñ rahe
raushan haiñ aarzū ke bahut zaḳhm aaj bhī
zaḳhmoñ ke kuchh nishān salāmat nahīñ rahe
aisā nahīñ ki sirf yaqīñ dar-ba-dar huā
dil ke ka.ī gumān salāmat nahīñ rahe
mahfūz bām-o-dar haiñ sadāqat ke aaj bhī
dhoke ke pān-dān salāmat nahīñ rahe
apnoñ se apne lahje meñ bātoñ kā hai kamāl
kuchh shaḳhs bad-zabān salāmat nahīñ rahe
vo log be-adab the 'kañval' be-ḳhulūs the
ham jaise be-zabān salāmat nahīñ rahe
apnon ke darmiyan salamat nahin rahe
diwar-o-dar makan salamat nahin rahe
nafrat ki gard jama nigahon mein rah gai
ulfat ke qadr-dan salamat nahin rahe
raushan hain aarzu ke bahut zaKHm aaj bhi
zaKHmon ke kuchh nishan salamat nahin rahe
aisa nahin ki sirf yaqin dar-ba-dar hua
dil ke kai guman salamat nahin rahe
mahfuz baam-o-dar hain sadaqat ke aaj bhi
dhoke ke pan-dan salamat nahin rahe
apnon se apne lahje mein baaton ka hai kamal
kuchh shaKHs bad-zaban salamat nahin rahe
wo log be-adab the 'kanwal' be-KHulus the
hum jaise be-zaban salamat nahin rahe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
