apnon ki TuTti hui taswir dekh li
apnoñ kī TūTtī huī tasvīr dekh lī
aġhyār kī bhī chaah meñ tāsīr dekh lī
aayā nahīñ hai hosh nigāhoñ ko ab talak
bikhre hue jo ḳhvāboñ kī ta.abīr dekh lī
kyā māñgtā maiñ terī pashemānī kā subūt
āñkhoñ se bahte ashkoñ meñ ta.azīr dekh lī
ab tak dikhe parinde asīr-e-qafas magar
sayyād ke bhī haath meñ zanjīr dekh lī
thā jis ke pech-o-ḳham pe ye saarā jahāñ fidā
lo ham ne bhī vo zulf-e-girah-gīr dekh lī
'nāqid' hai be-zabān khaḌā dar pe nāma-bar
chehre pe us ke aap kī tahrīr dekh lī
apnon ki TuTti hui taswir dekh li
aghyar ki bhi chah mein tasir dekh li
aaya nahin hai hosh nigahon ko ab talak
bikhre hue jo KHwabon ki tabir dekh li
kya mangta main teri pashemani ka subut
aankhon se bahte ashkon mein tazir dekh li
ab tak dikhe parinde asir-e-qafas magar
sayyaad ke bhi hath mein zanjir dekh li
tha jis ke pech-o-KHam pe ye sara jahan fida
lo hum ne bhi wo zulf-e-girah-gir dekh li
'naqid' hai be-zaban khaDa dar pe nama-bar
chehre pe us ke aap ki tahrir dekh li
Source:
Khwaahish-e-Parwaaz Urge to Fly (Pg. 118)
- Author: Aditya Pant Naaqid
-
- Edition: 2014
- Year of Publication: 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
