aqab mein darmiyan aur samne wali nashiston par

aqab meñ darmiyāñ aur sāmne vaalī nashistoñ par

jahāñ dekhā vahāñ the aap hī saarī nashistoñ par

vo jab stage par aayā to pīchhe baiThne vaale

chale aa.e qatāreñ toḌ kar aglī nashistoñ par

ḳhabar hī na milī un ko tamāshā ḳhatm hone kī

tamāshā.ī jhagaḌte rah ga.e ḳhālī nashistoñ par

gale meñ dil uchhal kar aa gayā sab ahl-e-mahfil kā

jab us ne be-niyāzī se nazar Daalī nashistoñ par

unheñ har hukm sun kar shaah kī tā.īd karnī thī

riyāzat kaaT kar pahuñche jo darbārī nashistoñ par

yahāñ par har kisī ko hukmarāñ hone kī ḳhvāhish hai

nazar hizb-e-muḳhālif kī hai sarkārī nashistoñ par

jo dekhī ziist ke stage par apnī adākārī

maiñ royā baarī baarī baiTh kar ḳhālī nashistoñ par

'hasan' ham ko bhī apnī shā.irī par daad mil jaatī

hamāre dost jā kar so ga.e pichhlī nashistoñ par

aqab mein darmiyan aur samne wali nashiston par

jahan dekha wahan the aap hi sari nashiston par

wo jab stage par aaya to pichhe baiThne wale

chale aae qataren toD kar agli nashiston par

KHabar hi na mili un ko tamasha KHatm hone ki

tamashai jhagaDte rah gae KHali nashiston par

gale mein dil uchhal kar aa gaya sab ahl-e-mahfil ka

jab us ne be-niyazi se nazar Dali nashiston par

unhen har hukm sun kar shah ki taid karni thi

riyazat kaT kar pahunche jo darbari nashiston par

yahan par har kisi ko hukmaran hone ki KHwahish hai

nazar hizb-e-muKHalif ki hai sarkari nashiston par

jo dekhi zist ke stage par apni adakari

main roya bari bari baiTh kar KHali nashiston par

'hasan' hum ko bhi apni shairi par dad mil jati

hamare dost ja kar so gae pichhli nashiston par