aqidat KHulus-o-mohabbat nahin hai

aqīdat ḳhulūs-o-mohabbat nahīñ hai

diloñ meñ vo pahlī sī chāhat nahīñ hai

mire pyaar kī koī qīmat nahīñ hai

mohabbat hai māl-e-tijārat nahīñ hai

nahīñ ḳhālī hai ye jahāñ minnatoñ se

magar pahlī sī ab qayādat nahīñ hai

chale aanā jab bhī kare aap kā dil

mire dil meñ koī kudūrat nahīñ hai

koī kaam ho saḳht-o-dushvār-tar hai

agar us kī chashm-e-ināyat nahīñ hai

yuuñ ḳhud meñ hai gum har koī aaj jaise

kisī ko kisī kī zarūrat nahīñ hai

kahāñ le ke baiThe ho tum rishte naate

yahāñ bhaa.ī bhaa.ī meñ ulfat nahīñ hai

difā apnā koī kare bhī to kaise

ki vo hausla vo shujā.at nahīñ hai

na haiñ mohtasib vo na hai daar koī

magar mujh meñ sach kī jasārat nahīñ hai

tirī kār-farmā.iyāñ dekhne kī

kisī bhī nazar meñ basārat nahīñ hai

banā vaqt 'anvar' ke zaḳhmoñ kā marham

tirī chārāgar ab zarūrat nahīñ hai

aqidat KHulus-o-mohabbat nahin hai

dilon mein wo pahli si chahat nahin hai

mere pyar ki koi qimat nahin hai

mohabbat hai mal-e-tijarat nahin hai

nahin KHali hai ye jahan minnaton se

magar pahli si ab qayaadat nahin hai

chale aana jab bhi kare aap ka dil

mere dil mein koi kudurat nahin hai

koi kaam ho saKHt-o-dushwar-tar hai

agar us ki chashm-e-inayat nahin hai

yun KHud mein hai gum har koi aaj jaise

kisi ko kisi ki zarurat nahin hai

kahan le ke baiThe ho tum rishte nate

yahan bhai bhai mein ulfat nahin hai

difa apna koi kare bhi to kaise

ki wo hausla wo shujaat nahin hai

na hain mohtasib wo na hai dar koi

magar mujh mein sach ki jasarat nahin hai

teri kar-farmaiyan dekhne ki

kisi bhi nazar mein basarat nahin hai

bana waqt 'anwar' ke zaKHmon ka marham

teri chaaragar ab zarurat nahin hai