aqide bujh rahe hain sham-e-jaan ghul hoti jati hai

Ali Sardar Jafri

aqide bujh rahe hain sham-e-jaan ghul hoti jati hai

Ali Sardar Jafri

MORE BYAli Sardar Jafri

    aqīde bujh rahe haiñ sham-e-jāñ ġhul hotī jaatī hai

    magar zauq-e-junūñ sho.ala-sāmānī nahīñ jaatī

    ḳhudā ma.alūm kis kis ke lahū lāla-kārī hai

    zamīn-e-kū-e-jānāñ aaj pahchānī nahīñ jaatī

    agar yuuñ hai to kyuuñ hai yuuñ nahīñ to kyuuñ nahīñ āḳhir

    yaqīñ mohkam hai lekin zid hairānī nahīñ jaatī

    lahū jitnā thā saarā sarf-e-maqtal ho gayā lekin

    shahīdān-e-vafā ke ruḳh tābānī nahīñ jaatī

    pareshāñ-rozgār āshufta-hālāñ muqaddar hai

    ki us zulf-e-pareshāñ pareshānī nahīñ jaatī

    har ik shai aur mahñgī aur mahñgī hotī jaatī hai

    bas ik ḳhūn-e-bashar hai jis arzānī nahīñ jaatī

    ye naġhma naġhma-e-bedārī-e-jamhūr-e-ālam hai

    vo shamshīr-e-navā jis daraḳhshānī nahīñ jaatī

    na.e ḳhvāboñ ke dil meñ sho.ala-e-ḳhurshīd-e-mahshar hai

    zamīr-e-hazrat-e-insāñ sultānī nahīñ jaatī

    lagāte haiñ laboñ par mohr arbāb-e-zabāñ-bandī

    alī-'sardār' shān-e-ġhazal-ḳhvānī nahīñ jaatī

    aqide bujh rahe hain sham-e-jaan ghul hoti jati hai

    magar zauq-e-junun ki shoala-samani nahin jati

    KHuda malum kis kis ke lahu ki lala-kari hai

    zamin-e-ku-e-jaanan aaj pahchani nahin jati

    agar yun hai to kyun hai yun nahin to kyun nahin aaKHir

    yaqin mohkam hai lekin zid ki hairani nahin jati

    lahu jitna tha sara sarf-e-maqtal ho gaya lekin

    shahidan-e-wafa ke ruKH ki tabani nahin jati

    pareshan-rozgar aashufta-haalan ka muqaddar hai

    ki us zulf-e-pareshan ki pareshani nahin jati

    har ek shai aur mahngi aur mahngi hoti jati hai

    bas ek KHun-e-bashar hai jis ki arzani nahin jati

    ye naghma naghma-e-bedari-e-jamhur-e-alam hai

    wo shamshir-e-nawa jis ki daraKHshani nahin jati

    nae KHwabon ke dil mein shoala-e-KHurshid-e-mahshar hai

    zamir-e-hazrat-e-insan ki sultani nahin jati

    lagate hain labon par mohr arbab-e-zaban-bandi

    ali-'sardar' ki shan-e-ghazal-KHwani nahin jati

    RECITATIONS

    Ali Sardar Jafri

    Ali Sardar Jafri,

    Ali Sardar Jafri

    aqide bujh rahe hain sham-e-jaan ghul hoti jati hai Ali Sardar Jafri

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now