aql-e-juzwi chhoD kar ai yar fikr-e-kul karo

aql-e-juzvī chhoḌ kar ai yaar fikr-e-kul karo

mish.al-e-dil ko chitā faanī charāġhāñ gul karo

dil lagāo ek se donoñ jahāñ jis kā zuhūr

bul-havas ho kar na hargiz ādat-e-bulbul karo

maiñ mohabbat suuñ hamesha ishq meñ sarshār huuñ

nashsha-e-fānī suuñ mat ḳhātir ko ḳhu-e-mul karo

zulf-o-āriz hai munavvar dekh vaj.hullāh kā

tum na ko sair-e-chaman aur ḳhvāhish-e-sumbul karo

qaul par lā-taqnatū ke raho hamesha jam.a-dil

mat tumheñ ḳhātir pareshāñ sūrat-e-kākul karo

ḳhauf mat rakkho kisī dushman se dil meñ yak ratī

pusht-bāñ apnā hamesha sāhab-e-duldul karo

ai 'alīmullāh' avval ishq meñ mismār ho

āshiqoñ meñ ba.ad apne āshiqī kā ġhul karo

aql-e-juzwi chhoD kar ai yar fikr-e-kul karo

mishal-e-dil ko chita fani charaghan gul karo

dil lagao ek se donon jahan jis ka zuhur

bul-hawas ho kar na hargiz aadat-e-bulbul karo

main mohabbat sun hamesha ishq mein sarshaar hun

nashsha-e-fani sun mat KHatir ko KHu-e-mul karo

zulf-o-ariz hai munawwar dekh wajhullah ka

tum na ko sair-e-chaman aur KHwahish-e-sumbul karo

qaul par la-taqnatu ke raho hamesha jama-dil

mat tumhein KHatir pareshan surat-e-kakul karo

KHauf mat rakkho kisi dushman se dil mein yak rati

pusht-ban apna hamesha sahab-e-duldul karo

ai 'alimullah' awwal ishq mein mismar ho

aashiqon mein baad apne aashiqi ka ghul karo