aql-o-dil ko mila-jula rakhiye
aql-o-dil ko milā-julā rakhiye
zābte meñ bhī rābta rakhiye
dūsrā shahr dūsre sāthī
dil bhī siine meñ dūsrā rakhiye
band kar liije dar sab āñkhoñ ke
zehn apnā magar khulā rakhiye
itne patthar na pheñkiye sāhab
vāpsī kā to rāsta rakhiye
kuchh bhī jiine kī aarzū hai agar
jaan dene kā hausla rakhiye
din sadā ek se nahīñ rahte
raat aa.egī kuchh bachā rakhiye
jo hamāre hue na apne 'yād'
aise logoñ ko yaad kyā rakhiye
aql-o-dil ko mila-jula rakhiye
zabte mein bhi rabta rakhiye
dusra shahr dusre sathi
dil bhi sine mein dusra rakhiye
band kar lije dar sab aankhon ke
zehn apna magar khula rakhiye
itne patthar na phenkiye sahab
wapsi ka to rasta rakhiye
kuchh bhi jine ki aarzu hai agar
jaan dene ka hausla rakhiye
din sada ek se nahin rahte
raat aaegi kuchh bacha rakhiye
jo hamare hue na apne 'yaad'
aise logon ko yaad kya rakhiye
Source:
Rooh-e-Ghazal,Pachas Sala Intekhab (Pg. 232)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
