aql par uski gir paDa patthar
aql par us kī gir paḌā patthar
jis ne paars ko kah diyā patthar
qasr shīshe kā jab huā ta.amīr
har taraf se baras gayā patthar
sang-e-marmar vo kaise ban saktā
fitratan jo siyāh thā patthar
vo butoñ ko ḳhudā na kyoñ samjhe
kaam jis kā hai pūjnā patthar
dil ko dil se gazand yuuñ pahuñchī
ek shīsha thā dūsrā patthar
aa.ine kā nahīñ muhāfiz vo
kaam jis kā hai mārnā patthar
mom hotā nahīñ kabhī 'nādim'
ḳhushnumā ho ki bad-numā patthar
aql par us ki gir paDa patthar
jis ne pars ko kah diya patthar
qasr shishe ka jab hua tamir
har taraf se baras gaya patthar
sang-e-marmar wo kaise ban sakta
fitratan jo siyah tha patthar
wo buton ko KHuda na kyon samjhe
kaam jis ka hai pujna patthar
dil ko dil se gazand yun pahunchi
ek shisha tha dusra patthar
aaine ka nahin muhafiz wo
kaam jis ka hai marna patthar
mom hota nahin kabhi 'nadim'
KHushnuma ho ki bad-numa patthar
Source:
Dhoop Mein Sehra Noridi (Pg. 73)
- Author: Nadim Balkhi
-
- Publisher: Mustafa Balkhi
- Year of Publication: 1987
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
