arsa-e-hashr mein kuchh gul na khila de koi

'arsa-e-hashr meñ kuchh gul na khilā de koī

dāvar-e-hashr pe tohmat na lagā de koī

be-kasī pūchh na bīmāroñ kī apne zālim

in ko taskīn koī de na davā de koī

mai-gusāro mirī tauba kā bharosa kyā hai

abhī pī jā.ūñ agar zid se pilā de koī

maiñ agar shauq se mai piitā to be-shak thā gunāh

merā kyā bas hai agar muñh se lagā de koī

mah-jabīnoñ kī galī meñ hai ye 'sā.il' kī sadā

ek do bosa-e-lab bahr-e-ḳhudā de koī

'arsa-e-hashr mein kuchh gul na khila de koi

dawar-e-hashr pe tohmat na laga de koi

be-kasi puchh na bimaron ki apne zalim

in ko taskin koi de na dawa de koi

mai-gusaro meri tauba ka bharosa kya hai

abhi pi jaun agar zid se pila de koi

main agar shauq se mai pita to be-shak tha gunah

mera kya bas hai agar munh se laga de koi

mah-jabinon ki gali mein hai ye 'sail' ki sada

ek do bosa-e-lab bahr-e-KHuda de koi