arsa-e-mah-o-sal se guzre

arsa-e-māh-o-sāl se guzre

raat rāh-e-visāl se guzre

tum ki 'ahd-e-vafā nibhā ke 'mīr'

kitne ranj-o-malāl se guzre

aa shab-e-vasl muḳhtasar hai bahut

kaun shart-e-savāl se guzre

kyā batā.eñ ki tere kūche se

kis hunar kis kamāl se guzre

kaun thā vo ki jis kī chāhat meñ

ḳhvāb ban kar ḳhayāl se guzre

dasht-e-vahshat se tere dīvāne

kaise jāh-o-jalāl se guzre

gardish-e-vaqt tham ga.ī 'ādil'

tum jo shahr-e-misāl se guzre

arsa-e-mah-o-sal se guzre

raat rah-e-visal se guzre

tum ki 'ahd-e-wafa nibha ke 'mir'

kitne ranj-o-malal se guzre

aa shab-e-wasl muKHtasar hai bahut

kaun shart-e-sawal se guzre

kya bataen ki tere kuche se

kis hunar kis kamal se guzre

kaun tha wo ki jis ki chahat mein

KHwab ban kar KHayal se guzre

dasht-e-wahshat se tere diwane

kaise jah-o-jalal se guzre

gardish-e-waqt tham gai 'adil'

tum jo shahr-e-misal se guzre