arsh-e-KHuda KHamosh hai tahtus-sara mein chup

arsh-e-ḳhudā ḳhamosh hai tahtus-sarā meñ chup

shor itnā hai ki phail ga.ī hai fazā meñ chup

us ne bhī apne hoñToñ ko pāband kar liyā

maiñ ne bhī Daal rakhī hai dast-e-duā meñ chup

ilzām ab to tiir kī mānind ā.eñge

tum aa.e bhī to yuuñ ki thī āvāz-e-pā meñ chup

sūraj ta.alluqāt kā Dhalne pe aa gayā

mere junūñ meñ shor hai terī vafā meñ chup

pindār-e-sard-mehrī-e-duniyā kī ḳhair ho

dil ne agarche kar liyā shāmil duā meñ chup

koī vajūd hī nahīñ lafz-e-sukūn kā

apnī baqā meñ chup hai na apnī fanā meñ chup

'āfāq' duniyā kyā hai qayāmat ke baa'd bhī

zinda rahegī halqa-e-ahl-e-ravā meñ chup

arsh-e-KHuda KHamosh hai tahtus-sara mein chup

shor itna hai ki phail gai hai faza mein chup

us ne bhi apne honTon ko paband kar liya

main ne bhi Dal rakhi hai dast-e-dua mein chup

ilzam ab to tir ki manind aaenge

tum aae bhi to yun ki thi aawaz-e-pa mein chup

suraj talluqat ka Dhalne pe aa gaya

mere junun mein shor hai teri wafa mein chup

pindar-e-sard-mehri-e-duniya ki KHair ho

dil ne agarche kar liya shamil dua mein chup

koi wajud hi nahin lafz-e-sukun ka

apni baqa mein chup hai na apni fana mein chup

'afaq' duniya kya hai qayamat ke ba'd bhi

zinda rahegi halqa-e-ahl-e-rawa mein chup