asar aisa hai tap-e-gham mein dawa ka ulTa

asar aisā hai tap-e-ġham meñ davā kā ulTā

nabz dekhe to ho bīmār masīhā ulTā

ham-sarī kī qad-e-mauzūñ o ruḳh-e-raushan se

chor kī tarah diyā sham.a ko laTkā ulTā

sub.h ko chehra-e-ḳhurshīd kiran se niklā

sar se us mah ne jo maq.īs kā sehrā ulTā

ḳhafaqān-e-ġham-e-furqat se dil aisā ulTā

muñh ke bāhar nikal aayā jo kaleja ulTā

hasrat-e-dīd meñ āḳhir ko dam apnā ulTā

parda-e-chashm na us shoḳh ne apnā ulTā

naaz o andāz ne dīvāna banāyā dil ko

us parī ne jo dam-e-raqs dupaTTā ulTā

maiñ to kartā nahīñ ai 'arsh' gila furqat kā

shikva-e-baḳhT vo kaj-bāz hai kartā ulTā

asar aisa hai tap-e-gham mein dawa ka ulTa

nabz dekhe to ho bimar masiha ulTa

ham-sari ki qad-e-mauzun o ruKH-e-raushan se

chor ki tarah diya shama ko laTka ulTa

subh ko chehra-e-KHurshid kiran se nikla

sar se us mah ne jo maqis ka sehra ulTa

KHafaqan-e-gham-e-furqat se dil aisa ulTa

munh ke bahar nikal aaya jo kaleja ulTa

hasrat-e-did mein aaKHir ko dam apna ulTa

parda-e-chashm na us shoKH ne apna ulTa

naz o andaz ne diwana banaya dil ko

us pari ne jo dam-e-raqs dupaTTa ulTa

main to karta nahin ai 'arsh' gila furqat ka

shikwa-e-baKHT wo kaj-baz hai karta ulTa