asar-e-ah-e-dil-e-zar ki afwahen hain

asar-e-āh-e-dil-e-zār kī afvāheñ haiñ

ya.anī mujh par karam yaar kī afvāheñ haiñ

sharm ai nāla-e-dil ḳhāna-e-aġhyār meñ bhī

josh-e-afġhān-e-azā-bār kī afvāheñ haiñ

kab kiyā dil pe mire pand-o-nasīhat ne asar

nāseh-e-behūda-guftār kī afvāheñ haiñ

jins-e-dil ke vo ḳharīdār hue the kis din

ye yūñhī kūcha-o-bāzār kī afvāheñ haiñ

qais-o-farhād kā muñh? mujh se muqābil hoñge?

mardum-e-vādī-o-kohsār kī afvāheñ haiñ

ye bhī kuchh baat hai maiñ aur karūñ ġhair se baat

tum na maano ki ye aġhyār kī afvāheñ haiñ

kis tavaqqo pe ji.eñ 'shefta' māyūs karam

ġhair par bhī sitam yaar kī afvāheñ haiñ

asar-e-ah-e-dil-e-zar ki afwahen hain

yani mujh par karam yar ki afwahen hain

sharm ai nala-e-dil KHana-e-aghyar mein bhi

josh-e-afghan-e-aza-bar ki afwahen hain

kab kiya dil pe mere pand-o-nasihat ne asar

naseh-e-behuda-guftar ki afwahen hain

jins-e-dil ke wo KHaridar hue the kis din

ye yunhi kucha-o-bazar ki afwahen hain

qais-o-farhad ka munh? mujh se muqabil honge?

mardum-e-wadi-o-kohsar ki afwahen hain

ye bhi kuchh baat hai main aur karun ghair se baat

tum na mano ki ye aghyar ki afwahen hain

kis tawaqqo pe jien 'shefta' mayus karam

ghair par bhi sitam yar ki afwahen hain