asar kar ke aah-e-rasa phir gai

asar kar ke āh-e-rasā phir ga.ī

huā saaf matl.a havā phir ga.ī

savārī tirī aa ke kyā phir ga.ī

idhar ko udhar kī havā phir ga.ī

mire sar se teġh-e-jafā phir ga.ī

ka.ī baar aa.ī qazā phir ga.ī

gayā dev-e-ġham jalva-e-yār se

parī-zād aayā balā phir ga.ī

ye jāñ-baḳhsh us jāñ-satāñ kī hai chaal

vo aayā jo phir kar qazā phir ga.ī

ghaḌī do ghaḌī kā hai terā marīz

tabīb uTh ga.e har davā phir ga.ī

tū aatā nahīñ is galī meñ 'munīr'

tabī.at tirī ham se kyā phir ga.ī

asar kar ke aah-e-rasa phir gai

hua saf matla hawa phir gai

sawari teri aa ke kya phir gai

idhar ko udhar ki hawa phir gai

mere sar se tegh-e-jafa phir gai

kai bar aai qaza phir gai

gaya dew-e-gham jalwa-e-yar se

pari-zad aaya bala phir gai

ye jaan-baKHsh us jaan-satan ki hai chaal

wo aaya jo phir kar qaza phir gai

ghaDi do ghaDi ka hai tera mariz

tabib uTh gae har dawa phir gai

tu aata nahin is gali mein 'munir'

tabiat teri hum se kya phir gai