asar nasihat tumhaari mujh par hai rut suhani na kar sakegi

asar nasīhat tumhārī mujh par hai rut suhānī na kar sakegī

samajhtā huuñ ehtiyāt itnī mirī javānī na kar sakegī

adhūre alfāz ke zarīye vafā kā iz.hār hai qayāmat

ki jaadū sharm aur hichkichāhaT sā yaañ ravānī na kar sakegī

ye husn vāloñ se bhar gayā hai hasīñ ho tum bhī pe mere dil par

tumhārī sūrat bhī baa'd kuchh din ke hukmrānī na kar sakegī

rahegī kab tak mohabbatoñ kī asaas in be-hijābiyoñ par

kabhī bhī jalvagarī sā jaadū to lan-tarānī na kar sakegī

mirā tasavvur ġhalat hī niklā yahī haqā.eq kā faisla hai

ki koī bhī tarz mere jazboñ kī tarjumānī na kar sakegī

asar nasihat tumhaari mujh par hai rut suhani na kar sakegi

samajhta hun ehtiyat itni meri jawani na kar sakegi

adhure alfaz ke zariye wafa ka izhaar hai qayamat

ki jadu sharm aur hichkichahaT sa yan rawani na kar sakegi

ye husn walon se bhar gaya hai hasin ho tum bhi pe mere dil par

tumhaari surat bhi ba'd kuchh din ke hukmrani na kar sakegi

rahegi kab tak mohabbaton ki asas in be-hijabiyon par

kabhi bhi jalwagari sa jadu to lan-tarani na kar sakegi

mera tasawwur ghalat hi nikla yahi haqaeq ka faisla hai

ki koi bhi tarz mere jazbon ki tarjumani na kar sakegi