ashk aankhon mein kasak dil mein chhupate honge

ashk āñkhoñ meñ kasak dil meñ chhupāte hoñge

jo ġharībī kī sazā dahr meñ paate hoñge

hādso rok lo raftār zarā tum apnī

mere bachche abhī schōl se aate hoñge

ham to qātil ke madad-gār kaheñge un ko

jo use jhūTī gavāhī se bachāte hoñge

ham ne maanā ki bahut ḳhuub haiñ āñkheñ in kī

niiñd meñ phir bhī mire ḳhvāb satāte hoñge

bhūlne vaale tirī yaad satā.e ham ko

gāhe-gāhe tujhe ham yaad bhī aate hoñge

laash le jaao davā-ḳhāne se ab jald 'nadīm'

log dīdār ko sab ghar mire aate hoñge

ashk aankhon mein kasak dil mein chhupate honge

jo gharibi ki saza dahr mein pate honge

hadso rok lo raftar zara tum apni

mere bachche abhi school se aate honge

hum to qatil ke madad-gar kahenge un ko

jo use jhuTi gawahi se bachate honge

hum ne mana ki bahut KHub hain aankhen in ki

nind mein phir bhi mere KHwab satate honge

bhulne wale teri yaad satae hum ko

gahe-gahe tujhe hum yaad bhi aate honge

lash le jao dawa-KHane se ab jald 'nadim'

log didar ko sab ghar mere aate honge