ashk-e-hasrat meñ kyuuñ lahū hai abhī
sulh kī un se guftugū hai abhī
dil pashemān-e-justujū hai abhī
khoī khoī sī aarzū hai abhī
chāk-e-dil par na kyuuñ hañsī aa.e
ye to shā.ista-e-rafū hai abhī
muskurā leñ haqīqateñ mujh par
naqsh-e-bātil kī justujū hai abhī
jalve betāb aur nazar bechain
naam donoñ kā justujū hai abhī
ḳhairiyat dil kī pūchhne vaale
chain se terī aarzū hai abhī
kaise phāñdegā baaġh kī dīvār
tū giraftār-e-rañg-o-bū hai abhī
dam ghuTā jaatā hai mohabbat kā
band hī band guftugū hai abhī
saikḌoñ aa.ine badal Daale
apnī hī shakl rū-ba-rū hai abhī
gul haiñ ātish-kade ḳhudī ke 'sirāj'
sard insān kā lahū hai abhī
ashk-e-hasrat mein kyun lahu hai abhi
sulh ki un se guftugu hai abhi
dil pasheman-e-justuju hai abhi
khoi khoi si aarzu hai abhi
chaak-e-dil par na kyun hansi aae
ye to shaista-e-rafu hai abhi
muskura len haqiqaten mujh par
naqsh-e-baatil ki justuju hai abhi
jalwe betab aur nazar bechain
nam donon ka justuju hai abhi
KHairiyat dil ki puchhne wale
chain se teri aarzu hai abhi
kaise phandega bagh ki diwar
tu giraftar-e-rang-o-bu hai abhi
dam ghuTa jata hai mohabbat ka
band hi band guftugu hai abhi
saikDon aaine badal Dale
apni hi shakl ru-ba-ru hai abhi
gul hain aatish-kade KHudi ke 'siraj'
sard insan ka lahu hai abhi
Source:
Shola-e-Aawaz (Pg. e-145 p-144)
-
Author:
Siraj Lakhnavi
-
- Edition: 1920
- Publisher: Nizami Press, Lucknow
- Year of Publication: 1920
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.