ashk hue hain abtar aise hum ko bahae dete hain

ashk hue haiñ abtar aise ham ko bahā.e dete haiñ

taḳhtī kaisī haif ye laḌke dho ke miTā.e dete haiñ

ek phañsī hī zulfoñ meñ ik chāh-e-zaqan haiñ Duubī hai

diida o dil meñ phuuT paḌī hai ghar ko Dubā.e dete haiñ

ḳhuun kareñge tum par apnā yaad rakho in bātoñ ko

aao na milnā ḳhuub nahīñ hai tum ko jatā.e dete haiñ

ḳhuub jo dekhā ḳhūbāñ ko kuchh ḳhuub na dekhā aise haiñ

ġhair se mil kar ḳhaak meñ ham ko muft milā.e dete haiñ

log 'nisār' ab ham se nāhaq un kā tafahhus karte haiñ

nām-o-nishāñ ham yaar kā apne koī batā.e dete haiñ

ashk hue hain abtar aise hum ko bahae dete hain

taKHti kaisi haif ye laDke dho ke miTae dete hain

ek phansi hi zulfon mein ek chah-e-zaqan hain Dubi hai

dida o dil mein phuT paDi hai ghar ko Dubae dete hain

KHun karenge tum par apna yaad rakho in baaton ko

aao na milna KHub nahin hai tum ko jatae dete hain

KHub jo dekha KHuban ko kuchh KHub na dekha aise hain

ghair se mil kar KHak mein hum ko muft milae dete hain

log 'nisar' ab hum se nahaq un ka tafahhus karte hain

nam-o-nishan hum yar ka apne koi batae dete hain