ashk jo aañkh meñ ubalte haiñ
diip dil ke unhī se jalte haiñ
mausamoñ kā gila nahiñ karte
gir ke jo aadmī sambhalte haiñ
ġham-e-jān-e-bahār ke sadqe
ġham jahāñ ke isī se Talte haiñ
un ko āḳhir junūñ se kyā hāsil
pairahan roz jo badalte haiñ
ham ne garmī-e-sham.a kyā karnī
garmī-e-shauq meñ pighalte haiñ
vā.iz-e-nā-samajh piyeñ sharbat
ham kahāñ ḳhuld se bahalte haiñ
kaif o mastī 'shujā.a' falak tak hai
dard yuuñ qalb meñ machalte haiñ
ashk jo aankh mein ubalte hain
dip dil ke unhi se jalte hain
mausamon ka gila nahin karte
gir ke jo aadmi sambhalte hain
gham-e-jaan-e-bahaar ke sadqe
gham jahan ke isi se Talte hain
un ko aaKHir junun se kya hasil
pairahan roz jo badalte hain
hum ne garmi-e-shama kya karni
garmi-e-shauq mein pighalte hain
waiz-e-na-samajh piyen sharbat
hum kahan KHuld se bahalte hain
kaif o masti 'shujaa' falak tak hai
dard yun qalb mein machalte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
